റിയാദ്: ഈ വര്ഷത്തെ ഹജ് സീസണോടനുബന്ധിച്ച് വിസ നിയമങ്ങള് കര്ശനമാക്കി സൗദി ആഭ്യന്തര മന്ത്രാലയം. എന്ട്രി വിസയുടെ കാലാവധി കഴിഞ്ഞിട്ടും രാജ്യം വിടാത്ത വിദേശികള്ക്ക് കനത്ത ശിക്ഷാ നടപടികള് നേരിടേണ്ടി വരുമെന്ന് മന്ത്രാലയം ഔദ്യോഗികമായി അറിയിച്ചു.
നിയമം ലംഘിക്കുന്നവര്ക്ക് 50,000 റിയാല് വരെ പിഴയും 6 മാസം വരെ തടവ് ശിക്ഷയും ലഭിക്കും. ശിക്ഷാ കാലാവധിക്ക് ശേഷം നാടുകടത്തും. ഹജ് തീര്ത്ഥാടകരുടെ സുരക്ഷയും സൗകര്യവും ഉറപ്പാക്കുന്നതിനായി സര്ക്കാര് ഏര്പ്പെടുത്തിയിട്ടുള്ള നിയന്ത്രണങ്ങള് എല്ലാവരും പാലിക്കണമെന്ന് മന്ത്രാലയം ആവശ്യപ്പെട്ടു. ഹജ് ചട്ടങ്ങള് ലംഘിക്കുന്നത് ഗുരുതരമായ നിയമനടപടികള്ക്ക് കാരണമാകും.
നിയമലംഘനങ്ങള് ശ്രദ്ധയില്പ്പെട്ടാല് അധികൃതരെ അറിയിക്കാന് മന്ത്രാലയം അഭ്യര്ത്ഥിച്ചു. റിപ്പോര്ട്ട് ചെയ്യേണ്ട നമ്പറുകള്: മക്ക, മദീന, റിയാദ്, കിഴക്കന് പ്രവിശ്യ എന്നിവിടങ്ങളില്: 911 രാജ്യത്തെ മറ്റ് ഭാഗങ്ങളില്: 999 തീര്ത്ഥാടനത്തിന് എത്തുന്നവരുടെ സുരക്ഷ ഉറപ്പാക്കാന് അധികൃതരുമായി പൂര്ണമായി സഹകരിക്കണമെന്നും മന്ത്രാലയം ഓര്മ്മിപ്പിച്ചു.
Related News
