മദീന: മദീന മേഖലയില് വന്തോതില് മയക്കുമരുന്ന് ഗുളികകള് (ആംഫെറ്റാമൈന്) വിതരണം ചെയ്ത കേസില് കുറ്റക്കാരനെന്ന് കണ്ടെത്തിയ സൗദി പൗരന്റെ വധശിക്ഷ നടപ്പിലാക്കി. സൗദി പൗരനായ നാസര് ബിന് റാഷിദ് ബിന് സുലൈമാന് അല്-വാഹിഷി അല്-ബലവി എന്നയാളുടെ ശിക്ഷയാണ് തിങ്കളാഴ്ച നടപ്പാക്കിയതെന്ന് ആഭ്യന്തര മന്ത്രാലയം പ്രസ്താവനയിലൂടെ അറിയിച്ചു.
തുടര്ച്ചയായി മയക്കുമരുന്ന് ഗുളികകള് വില്പന നടത്തിയതിനെ ത്തുടര്ന്ന് സുരക്ഷാ ഉദ്യോഗസ്ഥര് ഇയാളെ അറസ്റ്റ് ചെയ്യുകയായിരുന്നു. അന്വേഷണത്തില് പ്രതി കുറ്റം ചെയ്തതായി തെളിഞ്ഞു. സ്പെഷ്യലൈസ്ഡ് കോടതിയില് ഹാജരാക്കിയ പ്രതിക്ക് കോടതി വധശിക്ഷ വിധിക്കുകയായിരുന്നു.
കീഴ്ക്കോടതി വിധിച്ച വധശിക്ഷ അപ്പീല് കോടതിയും പിന്നീട് സുപ്രീം കോടതിയും ശരിവെച്ചു. സമൂഹത്തില് നാശമുണ്ടാക്കുന്ന മയക്കുമരുന്ന് വ്യാപനത്തിനെതിരെ ശക്തമായ നിലപാടാണ് സൗദി ഭരണകൂടം സ്വീകരിക്കുന്നത്. ഇത്തരം ക്രിമിനല് പ്രവര്ത്തനങ്ങളില് ഏര്പ്പെടുന്നവര്ക്ക് കടുത്ത ശിക്ഷ ഉറപ്പാക്കുമെന്നും ആഭ്യന്തര മന്ത്രാലയം മുന്നറിയിപ്പ് നല്കി.
Related News
