റിയാദ്: സൗദി അറേബ്യയുടെ വിവിധ ഭാഗങ്ങളില് ഇന്നും (ചൊവ്വ) കനത്ത ഇടിമിന്നലോടു കൂടിയ മഴയ്ക്കും കാറ്റിനും സാധ്യതയുള്ളതായി ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. മിതമായതോ ശക്തമായതോ ആയ മഴ പെയ്യാന് സാധ്യതയുള്ളതിനാല് താഴ്ന്ന പ്രദേശങ്ങളില് വെള്ളപ്പൊക്കത്തിനും ആലിപ്പഴ വര്ഷത്തിനും സാധ്യതയുണ്ടെന്ന് അധികൃതര് മുന്നറിയിപ്പ് നല്കി.
മഴ സാധ്യതയുള്ള പ്രദേശങ്ങള്:
-റിയാദ്, മക്ക, അസീര്, ജിസാന്
-അല്-ബാഹ, നജ്റാന്, കിഴക്കന് പ്രവിശ്യ
-വടക്കന് അതിര്ത്തി മേഖലകള്
മഴയ്ക്ക് പുറമെ അല്-ജൗഫ്, ഹായില്, അല്-ഖസീം, മദീന എന്നീ പ്രവിശ്യകളില് ശക്തമായ കാറ്റ് വീശാന് സാധ്യതയുണ്ട്. ഇത് മണല്ക്കാറ്റിനും കാഴ്ചപരിധി കുറയുന്നതിനും കാരണമായേക്കാം.
കാലാവസ്ഥാ വ്യതിയാനം കണക്കിലെടുത്ത് പൊതുജനങ്ങള് ജാഗ്രത പാലിക്കണമെന്നും താഴ്ന്ന പ്രദേശങ്ങളില് നിന്നും തടാകങ്ങളില് നിന്നും വിട്ടുനില്ക്കണമെന്നും സിവില് ഡിഫന്സ് വിഭാഗം നിര്ദ്ദേശിച്ചു. ഔദ്യോഗിക ചാനലുകള് വഴിയുള്ള കാലാവസ്ഥാ അപ്ഡേറ്റുകള് കൃത്യമായി ശ്രദ്ധിക്കാനും അധികൃതര് ആവശ്യപ്പെട്ടു.
.jpg)
Related News
