റിയാദ്: ലോക ബോക്സിംഗ് പ്രേമികള് കാത്തിരിക്കുന്ന ബ്രിട്ടീഷ് താരം ആന്റണി ജോഷ്വയുടെ റിങ്ങിലേക്കുള്ള തിരിച്ചുവരവ് പ്രഖ്യാപിച്ചു. 'ദി കംബാക്ക്' എന്ന് പേരിട്ടിരിക്കുന്ന പോരാട്ടം ജൂലൈ 25 ശനിയാഴ്ച റിയാദില് നടക്കുമെന്ന് ജനറല് എന്റര്ടൈന്മെന്റ് അതോറിറ്റി ചെയര്മാന് തുര്ക്കി ആലു ശൈഖ് അറിയിച്ചു. പ്രമുഖ സ്പോര്ട്സ് സ്ട്രീമിംഗ് പ്ലാറ്റ്ഫോമായ DAZN വഴി മത്സരം തത്സമയം ലോകമെമ്പാടും സംപ്രേക്ഷണം ചെയ്യും.
ഹെവിവെയ്റ്റ് വിഭാഗത്തില് നടക്കുന്ന ഈ പോരാട്ടത്തില് അല്ബേനിയന് താരം ക്രിസ്റ്റ്യന് പ്രെംഗയാണ് ജോഷ്വയുടെ എതിരാളി. മികച്ച പ്രൊഫഷണല് റെക്കോര്ഡുമായി ജോഷ്വ എത്തുമ്പോള്, തന്റെ ഭൂരിഭാഗം വിജയങ്ങളും നോക്കൗട്ടിലൂടെ നേടിയ കരുത്തനായ പോരാളിയാണ് പ്രെംഗ. അതുകൊണ്ടുതന്നെ അതിശക്തമായ ഒരു പോരാട്ടത്തിനാകും റിയാദ് വേദിയാകുക.
ലോകോത്തര കായിക മാമാങ്കങ്ങള്ക്ക് സ്ഥിരമായി വേദിയൊരുക്കുന്ന സൗദി അറേബ്യയുടെ നീക്കങ്ങള്ക്ക് ഈ മത്സരം കൂടുതല് കരുത്തുപകരും. ആഗോള വിനോദ-കായിക ഭൂപടത്തില് റിയാദിന്റെ സ്ഥാനം ഉറപ്പിക്കുന്നതിനായി നടത്തുന്ന ശ്രമങ്ങളുടെ ഭാഗമായാണ് ഈ വമ്പന് ബോക്സിംഗ് മത്സരവും സംഘടിപ്പിക്കുന്നത്.
Related News
