റിയാദ്: പ്രവാസ ലോകത്തുനിന്ന് മലയാള സിനിമയിലേക്ക് കടന്നുവന്ന പ്രവാസി വ്യവസായി ഷാജു വാലപ്പന് ആദ്യ സംവിധാന സംരംഭത്തിലൂടെ തന്നെ സംസ്ഥാനതല അംഗീകാരം. വാലപ്പന് ക്രിയേഷന്സിന്റെ ബാനറില് അദ്ദേഹം നിര്മ്മിച്ച് സംവിധാനം ചെയ്ത 'നിഴല് വ്യാപാരികള്' എന്ന ചിത്രത്തിനാണ് 49-ാമത് കേരള ഫിലിം ക്രിട്ടിക്സ് അവാര്ഡില് മികച്ച നവാഗത സംവിധായകനുള്ള പുരസ്കാരം ലഭിച്ചത്. ഒരു പ്രവാസി വ്യവസായി എന്ന നിലയില് നിന്ന് സാമൂഹിക പ്രതിബദ്ധതയുള്ള ചലച്ചിത്രകാരനിലേക്കുള്ള അദ്ദേഹത്തിന്റെ മാറ്റത്തിന് ലഭിച്ച വലിയ അംഗീകാരമായാണ് ഈ പുരസ്കാരം വിലയിരുത്തപ്പെടുന്നത്.
ദളിത് യുവാവിന്റെ അതിജീവനവും പോരാട്ടവും പ്രമേയമാക്കിയ 'നിഴല് വ്യാപാരികള്' ആധുനിക ഇന്ത്യയുടെ നേര്ചിത്രമാണെന്ന് ജൂറി അഭിപ്രായപ്പെട്ടു. ഉന്നത വിദ്യാഭ്യാസം നേടിയിട്ടും സമൂഹത്തില് അവഗണന നേരിടുന്ന യുവാവ്, അഴിമതിക്കും മായം ചേര്ക്കലിനുമെതിരെ നടത്തുന്ന ഒറ്റയാള് പോരാട്ടമാണ് ചിത്രത്തിന്റെ ഇതിവൃത്തം. ത്രില്ലര് സ്വഭാവമുള്ള സിനിമയാണെങ്കിലും, സമൂഹത്തില് നിലനില്ക്കുന്ന ജാതി വിവേചനങ്ങളുടെ ഇരുണ്ട വശങ്ങള് തുറന്നുകാട്ടുന്ന ഗൗരവമുള്ള ചലച്ചിത്രമെന്ന നിലയില് ചിത്രം നിരൂപക പ്രശംസ നേടിയിരുന്നു.
സംസ്ഥാന പുരസ്കാരത്തിന് മുന്പുതന്നെ അന്താരാഷ്ട്ര വേദികളിലും ചിത്രം ശ്രദ്ധിക്കപ്പെട്ടിരുന്നു. രാജസ്ഥാന് ഇന്റര്നാഷണല് ഫിലിം ഫെസ്റ്റിവല് (ഞകഎഎ), 11ാമത് സത്യജിത് റേ ഗോള്ഡന് ആര്ക്ക് അവാര്ഡ് എന്നിവയിലും മികച്ച നവാഗത സംവിധായകനുള്ള പുരസ്കാരം ഷാജു വാലപ്പനെ തേടിയെത്തിയിരുന്നു.
ദീര്ഘകാലമായി പ്രവാസിയായ ഷാജു വാലപ്പന്, കലയോടുള്ള അഭിനിവേശം കൊണ്ടാണ് സിനിമാ രംഗത്തേക്ക് എത്തിയത്. വാലപ്പന് ക്രിയേഷന്സ് നിര്മ്മിച്ച 'സ്വാലിഹ്' എന്ന ചിത്രം മികച്ച സാമൂഹ്യ പ്രസക്തിയുള്ള സിനിമയായും, അതിന്റെ സംവിധായകന് സിദ്ധിക്ക് പറവൂര് മികച്ച സംവിധായകനായും തിരഞ്ഞെടുക്കപ്പെട്ടു.
Related News
