കണ്ണൂര്‍: ധര്‍മ്മടം മണ്ഡലത്തില്‍ എല്‍.ഡി.എഫിനെ ഞെട്ടിച്ച് യു.ഡി.എഫ് മുന്നേറ്റം. ആദ്യ അഞ്ചുറൗണ്ടുകളും വോട്ടെണ്ണി കഴിഞ്ഞപ്പോള്‍ മുഖ്യമന്ത്രി പിണറായി വിജയന്‍ 1090 വോട്ടുകള്‍ക്ക് പിന്നിലാണ്. യു.ഡി.എഫ് സ്ഥാനാര്‍ഥി വി.പി. അബ്ദുള്‍ റഷീദാണ് മുന്നില്‍. സി.പി.എമ്മിന്റെ കോട്ടകളിലടക്കം മേധാവിത്തം നേടാന്‍ യു.ഡി.എഫിന് കഴിഞ്ഞു. ആകെ 15 റൗണ്ടുകളാണ് വോട്ടെണ്ണാനുള്ളത്.
ആദ്യ റൗണ്ടില്‍ തന്നെ പിണറായി വിജയനെ മറികടന്ന് അബ്ദുള്‍ റഷീദ് ലീഡെടുത്തു. പിണറായി 5008 വോട്ടുകള്‍ നേടിയപ്പോള്‍ അബ്ദുള്‍ റഷീദ് 5741 വോട്ടുകള്‍ നേടി. ആദ്യ റൗണ്ടിലെ ലീഡ് 733 വോട്ടുകള്‍. രണ്ടാം റൗണ്ടില്‍ അബ്ദുള്‍ റഷീദ് ലീഡ് 2523 വോട്ടുകളായി ലീഡ് ഉയര്‍ത്തി. മൂന്നാം റൗണ്ട് കഴിഞ്ഞപ്പോള്‍ ലീഡ് 2077 ആയി മാറി. നാലാം റൗണ്ടിലും അബ്ദുള്‍ റഷീദ് ക്രമാനുഗതമായി ലീഡ് ഉയര്‍ത്തി. നാലാം റൗണ്ട് കഴിയുമ്പോള്‍ അബ്ദുള്‍ റഷീദിന്റെ ലീഡ് 2812 വോട്ടുകളാണ്. ഇനി 10 റൗണ്ടുകള്‍ എണ്ണാനുണ്ട്. നിലവില്‍ യുഡിഎഫ് 27869 വോട്ടുകള്‍ നേടിയപ്പോള്‍ പിണറായി വിജയന്‍ 26779 വോട്ടുകള്‍ നേടി.