ചെന്നൈ- തമിഴ്‌നാട്ടില്‍ ഏറ്റവും വലിയ ഒറ്റക്കക്ഷിയായ വിജയുടെ ടിവികെക്ക് പിന്തുണ നല്‍കാനുള്ള നീക്കവുമായി തമിഴ്‌നാട് കോണ്‍ഗ്രസ്. തമിഴ്‌നാട്ടില്‍ സ്വീകരിക്കേണ്ട അടുത്ത നടപടി സംബന്ധിച്ച് ആലോചിക്കുമെന്നു തമിഴ്‌നാട് കോണ്‍ഗ്രസിന്റെ തിരഞ്ഞെടുപ്പു ചുമതല വഹിക്കുന്ന ഗിരീഷ് ചോടങ്കര്‍. വനിതകളുടെയും യുവാക്കളുടെയും പിന്തുണ ടിവികെ നേടിയത് കണ്ടില്ലെന്നു നടിക്കാനാകില്ലെന്നും വിശദമായ റിപ്പോര്‍ട്ട് നേതൃത്വത്തിനു സമര്‍പ്പിക്കുമെന്നും ചോടങ്കര്‍.

ഡിഎംകെ നേതാവും മുഖ്യമന്ത്രിയുമായ സ്റ്റാലിന്‍ പരാജയപ്പെട്ടു. കൊളത്തൂര്‍ മണ്ഡലത്തില്‍ ടിവികെ സ്ഥാനാര്‍ഥി വി.എസ് ബാബു 9122 വോട്ടുകള്‍ക്കു ജയിച്ചു. തിരുനെല്‍വേലി രാധാപുരത്ത് സ്പീക്കര്‍ എ.അപ്പാവു തോറ്റു. ഇവിടെ ജയിച്ചത് ടിവികെ സ്ഥാനാര്‍ഥി ക്രിസ്റ്റഫര്‍. കന്നിപ്പോരാട്ടത്തില്‍ വെട്രിക്കൊടി പാറിച്ച് വിജയ്. 107സീറ്റുകളിലാണ് ടിവികെ മുന്നേറുന്നത്. ഭരണകക്ഷിയായ ഡിഎംകെയെ മൂന്നാം സ്ഥാനത്തേക്ക് പിന്തള്ളിയാണ് പ്രവചനങ്ങളെ കാറ്റില്‍ പറത്തി വിജയ്യുടെ ടിവികെ തേരോട്ടം. നിലവില്‍ ഡിഎംകെ 70 സീറ്റുകളുമായി രണ്ടാം സ്ഥാനത്തും എഐഡിഎംകെ 57 സീറ്റുകളിലും ലീഡ് ചെയ്യുന്നുണ്ട്.
മധുര സെന്‍ട്രലില്‍ മുന്‍ ധനമന്ത്രി പി.ടി.ആര്‍.പഴനിവേല്‍ ത്യാഗരാജന്‍ തോറ്റു. എന്‍ഡിഎ സ്ഥാനാര്‍ഥിയായിരുന്ന സംവിധായകന്‍ സി.സുന്ദറും തോറ്റു. ടിവികെ സ്ഥാനാര്‍ഥി മധര്‍ ബദറുദ്ദീന്‍ വിജയിച്ചു.
പെരമ്പൂരില്‍ ടിവികെ നേതാവ് വിജയ് 27000 വോട്ടുകള്‍ക്കു മുന്നില്‍. തൂത്തുക്കുടി, താംബരം, തഞ്ചാവൂര്‍, മധുര തെക്ക് എന്നിവിടങ്ങളില്‍ ടിവികെ സ്ഥാനാര്‍ഥികള്‍ വിജയിച്ചു.