കൊച്ചി: മത്സരിച്ച ഏഴ് ഡി.സി.സി അധ്യക്ഷന്മാരില് രണ്ടുപേരൊഴികെ ജയിച്ച സാഹചര്യത്തില് അഞ്ച് ജില്ലകളില് കോണ്ഗ്രസിന് അധ്യക്ഷ പദത്തില് പുതിയ ആളുകള് വരും. സാമുദായിക സമവാക്യങ്ങളും സംസ്ഥാനത്തെ പുതിയ നേതൃത്വത്തിന്റെ കൂടി താത്പര്യം അനുസരിച്ചാകും ആരൊക്കെയെന്ന തീരുമാനം വരുക. മുഖ്യമന്ത്രിയേയും അത് കഴിഞ്ഞ് മന്ത്രിമാര് ആരൊക്കെ വകുപ്പ് വിഭജനം എന്നിവ പൂര്ത്തിയാക്കിയ ശേഷമാകും പാര്ട്ടി പുന:സംഘടന വരുക.
തിരുവനന്തപുരം, പത്തനംതിട്ട, കോട്ടയം, എറണാകുളം, പാലക്കാട്, മലപ്പുറം, കോഴിക്കോട് എന്നീ ജില്ലകളിലെ ഡിസിസി അധ്യക്ഷന്മാരായ എന്. ശക്തന്, സതീഷ് കൊച്ചുപറമ്പില്, നാട്ടകം സുരേഷ്, മുഹമ്മദ് ഷിയാസ്, എ. തങ്കപ്പന്, വി.എസ് ജോയ്, കെ. പ്രവീണ്കുമാര് എന്നിവരാണ് മത്സരിച്ചത്. ഇതില് ശക്തന് (നെയ്യാറ്റിന്കര), നാട്ടകം സുരേഷ് (ഏറ്റുമാനൂര്), മുഹമ്മദ് ഷിയാസ് (കൊച്ചി), വി.എസ്. ജോയ് (മലപ്പുറം), കെ. പ്രവീണ്കുമാര് (കൊയിലാണ്ടി) എന്നിവര് ജയിച്ചു.
പാലക്കാട് ജില്ലയിലെ നെന്മാറയില്നിന്ന് മത്സരിച്ച എ. തങ്കപ്പന്, എല്ഡിഎഫിന്റെ കെ. പ്രേമനോടും പത്തനംതിട്ടയിലെ കോന്നിയില്നിന്ന് ജനവിധി തേടിയ സതീഷ് കൊച്ചുപറമ്പില്, എല്ഡിഎഫിന്റെ കെ.യു. ജനീഷ് കുമാറിനോടുമാണ് പരാജയപ്പെട്ടത്.
.jpg)
Related News
