ന്യൂദല്‍ഹി- ആകാംക്ഷയുടെ മണിക്കൂറുകള്‍ തുടരും. കേരളത്തിലെ മുഖ്യമന്ത്രിയെ കോണ്‍ഗ്രസ് ഹൈക്കമാന്റ് നാളെ പ്രഖ്യാപിക്കും.
രാഹുല്‍ ഗാന്ധിയും മല്ലികാര്‍ജുന്‍ ഖാര്‍ഗെയും കൂടിക്കാഴ്ച നടത്തി ആരാണ് മുഖ്യമന്ത്രിയെന്ന കാര്യത്തില്‍ അന്തിമ തീരുമാനമെടുത്തിട്ടുണ്ട്. രാഹുല്‍ മടങ്ങിയ ശേഷം മാധ്യമവിഭാഗം മേധാവി ജയറാം രമേശ്, ഖാര്‍ഗെയുടെ വസതിയിലെത്തിയ ശേഷം മാധ്യമപ്രവര്‍ത്തകരെ കാണുകയായിരുന്നു.
എല്ലാ തരത്തിലുമുള്ള അഭിപ്രായ ശേഖരണം പൂര്‍ത്തിയായി. കേരള മുഖ്യമന്ത്രിയെ നാളെ പ്രഖ്യാപിക്കും- ജയറാം രമേശ് പറഞ്ഞു.
വി.ഡി. സതീശന്‍ തന്നെയാകും മുഖ്യമന്ത്രിയെന്ന സൂചനകള്‍ തന്നെയാണ് പുറത്തുവരുന്നത്. പ്രഖ്യാപനം നാളേക്ക് വൈകിച്ചത് എന്തുകൊണ്ടെന്ന് വ്യക്തമല്ല.