ജുബൈല്: വേള്ഡ് മലയാളി ഫെഡറേഷന് (ഡബ്ലിയു.എം.എഫ്) ജുബൈല് കൗണ്സിലും സിറ്റി ഫ്ലവര് ഹൈപ്പര് മാര്ക്കറ്റും സംയുക്തമായി ലോക നഴ്സസ് ദിനാഘോഷം സംഘടിപ്പിച്ചു. സിറ്റി ഫ്ലവര് ഹൈപ്പര് മാര്ക്കറ്റില് നടന്ന പരിപാടിയില് ആരോഗ്യ മേഖലയിലെ പ്രമുഖരും സാമൂഹിക പ്രവര്ത്തകരും പങ്കെടുത്തു.
ഡബ്ലിയു.എം.എഫ് ജുബൈല് കൗണ്സില് പ്രസിഡന്റ് സോണിയ ഹാരിസണ് ചടങ്ങില് അധ്യക്ഷത വഹിച്ചു. ഷിഫ അല് ജുബൈല് മെഡിക്കല് സെന്റര് മാര്ക്കറ്റിംഗ് മാനേജര് വില്യം വര്ക്കി പരിപാടി ഉദ്ഘാടനം ചെയ്തു. സിറ്റി ഫ്ലവര് ഹൈപ്പര് മാര്ക്കറ്റ് മാനേജര് ഹനീഫ, ശിഹാബ് മങ്ങാടന് എന്നിവര് പ്രസംഗിച്ചു.
ആരോഗ്യ മേഖലയില് ദീര്ഘകാലമായി സേവനമനുഷ്ഠിക്കുന്ന റോസമ്മ ജോര്ജ് (ജുബൈല് റോയല് കമ്മീഷന് ആശുപത്രി), ബിന്ദു തോമസ് (ജുബൈല് അല്മന ആശുപത്രി) എന്നിവരെ ചടങ്ങില് ആദരിച്ചു. എനര്ജി പ്ലസ് ട്രേഡിങ് കമ്പനി ഓപ്പറേഷന് മാനേജര് അബ്ദുല് റസീഖ് ചോനാരി ഇവര്ക്ക് ഉപഹാരങ്ങള് കൈമാറി. ഇവന്റ് ഫോറം കോര്ഡിനേറ്റര് സുകു സുഗതന്, വില്യം വര്ക്കി എന്നിവര് ചേര്ന്ന് ഇരുവരെയും പൊന്നാട അണിയിച്ചു. തുടര്ന്ന് ഡോക്ടര്മാരും മെഡിക്കല് ടീം അംഗങ്ങളും ചേര്ന്ന് കേക്ക് മുറിച്ചു. മെഡിക്കല് ടീമിനുള്ള സമ്മാനങ്ങള് സിറ്റി ഫ്ലവര് മാനേജര് ഹനീഫ വിതരണം ചെയ്തു.
നിഖില ജോസ് അവതാരകയായ പരിപാടിയില് കരീം കീമോ, ഷഫീഖ്, സജന്, അഖില് സണ്ണി, സൗപര്ണ്ണിക അനില്, മിഷേല് ദിനു, സൗജന്യ ശ്രീകുമാര് എന്നിവര് ഗാനങ്ങള് ആലപിച്ചു. മിയ അനൂപ്, ആര്യ തംബോലി എന്നിവരുടെ നൃത്തവും അലങ്കൃത വിവേകിന്റെ സോളോ ഡാന്സും ഹയാത്ത് മരിയയും കൂട്ടുകാരും അവതരിപ്പിച്ച സംഘനൃത്തവും പരിപാടിക്ക് മാറ്റുകൂട്ടി. പരിപാടിയില് പങ്കെടുത്ത കലാകാരന്മാര്ക്കുള്ള സമ്മാനങ്ങള് വില്യം വര്ക്കി വിതരണം ചെയ്തു.
കൗണ്സില് വൈസ് പ്രസിഡന്റുമാരായ ഡി. അനില് കുമാര്, ശിഹാബുദ്ദീന് റാവുത്തര്, മറിയാമ്മ തുടങ്ങിയവര് പരിപാടികള്ക്ക് നേതൃത്വം നല്കി. കൗണ്സില് ജനറല് സെക്രട്ടറി അജിത്ത് സ്വാഗതവും ട്രഷറര് ഇന്ചാര്ജ് സിന്ജോ നന്ദിയും പറഞ്ഞു.
