ജിദ്ദ: 2027 വര്‍ഷത്തേക്കുള്ള സൗദി നാഷണല്‍ കമ്മിറ്റി - ജിദ്ദ സെന്‍ട്രല്‍ കമ്മിറ്റി കുടുംബ സുരക്ഷാ പദ്ധതിക്ക് സൗത്ത് സോണ്‍ തുടക്കം കുറിച്ചു. ക്വാളിറ്റി റെസ്റ്റോറന്റില്‍ പ്രസിഡന്റ് അനസ് അരിമ്പാശ്ശേരിയുടെ അധ്യക്ഷതയില്‍ കൂടിയ യോഗത്തില്‍ ജിദ്ദ സെന്‍ട്രല്‍ കമ്മിറ്റി ജനറല്‍ സെക്രട്ടറി വി.പി. മുസ്തഫ, ആക്ടിങ് പ്രസിഡന്റ് സി.കെ. റസാഖ് മാസ്റ്റര്‍, നാഷണല്‍ കമ്മിറ്റി സെക്രട്ടറി നാസര്‍ എടവനക്കാട് തുടങ്ങിയവര്‍ പ്രവാസികള്‍ക്കും കുടുംബങ്ങള്‍ക്കും കൈത്താങ്ങായ പദ്ധതിയുടെ പ്രാധാന്യത്തെക്കുറിച്ച് ഊന്നിപ്പറഞ്ഞു.
ജിദ്ദ സെന്‍ട്രല്‍ കമ്മിറ്റി സെക്രട്ടറി ഷിഹാബ് താമരക്കുളം, ഷറഫുദ്ദീന്‍ ബാഖവി ചുങ്കപ്പാറ എന്നിവര്‍ സംസാരിച്ചു. ഹനീഫ കൈപ്പമംഗലം, നൗഷാദ് പാനൂര്‍, നദീര്‍ പാനൂര്‍, സമീര്‍ ആലപ്പുഴ, ഷാനവാസ് കോട്ടയം, നിസാറുദ്ദീന്‍ കൊല്ലം, റസാഖ് കാഞ്ഞിരപ്പള്ളി തുടങ്ങിയവര്‍ പങ്കെടുത്തു. ജനറല്‍ സെക്രട്ടറി നാസറുദ്ദീന്‍ കായംകുളം സ്വാഗതവും ട്രഷറര്‍ സെയ്ത് മുഹമ്മദ് അല്‍കാശിഫി നന്ദിയും പറഞ്ഞു.
Related News
