റിയാദ്: കേരളത്തിന്റെ രാഷ്ട്രീയ ചരിത്രത്തില് നിര്ണായക വഴിത്തിരിവായി, യു.ഡി.എഫ് നേതൃത്വത്തിന് കീഴില് വി.ഡി. സതീശനെ മുഖ്യമന്ത്രിയായി ഹൈക്കമാന്ഡ് പ്രഖ്യാപിച്ചതിനെ റിയാദ് ഒഐസിസി സെന്ട്രല് കമ്മിറ്റി സ്വാഗതം ചെയ്തു. ജനാധിപത്യ മൂല്യങ്ങള്ക്കും ജനകീയ രാഷ്ട്രീയത്തിനും വേണ്ടി ശക്തമായ നിലപാടുകളിലൂടെ ജനഹൃദയങ്ങളില് സ്ഥാനം നേടിയ നേതാവാണ് വി.ഡി. സതീശനെന്നും, അദ്ദേഹത്തിന്റെ നേതൃത്വത്തില് കേരളം പുതിയ വികസന വഴികളിലേക്ക് മുന്നേറുമെന്ന ആത്മവിശ്വാസവും ഒഐസിസി നേതാക്കള് പ്രകടിപ്പിച്ചു.
സാധാരണ ജനങ്ങളുടെ പ്രശ്നങ്ങള് നിയമസഭയിലും പൊതുസമൂഹത്തിലും ശക്തമായി ഉയര്ത്തിക്കാട്ടിയ പ്രതിപക്ഷ നേതാവെന്ന നിലയില് വി.ഡി. സതീശന് വലിയ വിശ്വാസ്യത നേടിയ നേതാവാണെന്നും, ജനഹിതമനുസരിച്ച് അദ്ദേഹത്തിനും ടീം യു.ഡി.എഫ് മന്ത്രിസഭയ്ക്കും പ്രവര്ത്തിക്കാന് സാധിക്കട്ടെയെന്നും റിയാദ് ഒഐസിസി സെന്ട്രല് കമ്മിറ്റി പ്രസിഡന്റ് സലീം കളക്കരയും മറ്റ് ഭാരവാഹികളും അഭിപ്രായപ്പെട്ടു.
വി.ഡി. സതീശനെ നിയുക്ത മുഖ്യമന്ത്രിയായി പ്രഖ്യാപിച്ചതിലുള്ള സന്തോഷം പങ്കിടുന്നതിനായി റിയാദ് ഒഐസിസി സെന്ട്രല് കമ്മിറ്റിയുടെ നേതൃത്വത്തില് ഇന്ന് ബത്ഹയിലെ സബര്മതിയില് പ്രത്യേക സംഗമവും സംഘടിപ്പിച്ചിട്ടുണ്ട്.
Related News
