ന്യൂഡല്‍ഹി: പ്രധാനമന്ത്രി നരേന്ദ്ര മോദിയുമായി മുഖ്യമന്ത്രി വി.ഡി.സതീശന്‍ കൂടിക്കാഴ്ച നടത്തി. മുഖ്യമന്ത്രിയായതിനുശേഷം മോദിയുമായി നടത്തുന്ന ആദ്യ ഔദ്യോഗിക കൂടിക്കാഴ്ചയാണിത്. പ്രധാനമന്ത്രിയുടെ ഓഫിസായ സേവാ തീര്‍ഥില്‍വച്ചായിരുന്നു കൂടിക്കാഴ്ച.

ധനവകുപ്പു കൂടി കൈകാര്യം ചെയ്യുന്ന സതീശന്‍, ഉച്ചയ്ക്ക് 2.30നു ധനമന്ത്രി നിര്‍മല സീതാരാമനുമായും കൂടിക്കാഴ്ച നടത്തും. സംസ്ഥാനം കടുത്ത സാമ്പത്തിക പ്രതിസന്ധിയിലൂടെ കടന്നു പോകുന്നതിനാല്‍ ഈ കൂടിക്കാഴ്ചയും നിര്‍ണായകമാണ്. ധനമന്ത്രിയെന്ന നിലയില്‍ ജിഎസ്ടി കൗണ്‍സില്‍ യോഗങ്ങളിലും കേരളത്തെ ഇനി പ്രതിനിധീകരിക്കുക മുഖ്യമന്ത്രിയായിരിക്കും.