ജിസാന്: മലപ്പുറം വേങ്ങര ചെറൂര് ചോലക്കല് അബൂബക്കറിന്റെ മകന് ഷാഹിദ് ചോലക്കല് (52) സൗദി അറേബ്യയിലെ ജിസാനില് നിര്യാതനായി. ജിസാന് ദബിയയില് ജോലി ചെയ്തു വരികയായിരുന്നു. മഞ്ഞപ്പിത്തം ബാധിച്ചതിനെ തുടര്ന്ന് ജിസാനിലെ ഹയാത്ത് ഹോസ്പിറ്റലില് പ്രവേശിപ്പിച്ചിരുന്നെങ്കിലും ജീവന് രക്ഷിക്കാനായില്ല. മൃതദേഹം നിലവില് ഹയാത്ത് ഹോസ്പിറ്റല് മോര്ച്ചറിയില് സൂക്ഷിച്ചിരിക്കുകയാണ്.
പരേതന്റെ സഹോദരന് മുഹമ്മദ് റാഫി, അളിയന് ഷഷ്ബീര് എന്നിവര് ജിസാനിലുണ്ട്. മയ്യിത്ത് ജിസാനില് തന്നെ മറവ് ചെയ്യുന്നതിനായി ഷഷ്ബീറിന്റെ പേരില് പവര് ഓഫ് അറ്റോര്ണി തയ്യാറാക്കിയിട്ടുണ്ട്.
ജിസാന് കെ.എം.സി.സി വെല്ഫെയര് വിങ്ങിന്റെ നേതൃത്വത്തില് ഷംസു പൂക്കോട്ടൂര്, ഗഫൂര് വാവൂര്, ഷമീര് അമ്പലപ്പാറ, സിറാജ് പുല്ലൂരാംപാറ, മുഹമ്മദ് കുട്ടി മേമാട്ടുപ്പാറ, സുല്ഫിക്കര് വെളിയഞ്ചേരി, മുസ്തഫ കോഴിക്കോട് എന്നിവര് തുടര്നടപടികള്ക്ക് രംഗത്തുണ്ട്. നുസൈബ പട്ടാണിയാണ് ഭാര്യ. മൂന്ന് കുട്ടികളുണ്ട്.
.jpg)
Related News
