റിയാദ്: റിയാദ് ഇന്റര്നാഷണല് ഇന്ത്യന് സ്കൂള് പ്രിന്സിപ്പലായി നിയമിതയായ പ്രമുഖ വിദ്യാഭ്യാസ-സാംസ്കാരിക പ്രവര്ത്തകയും 'കോഴിക്കോടന്സ്' കൂട്ടായ്മയിലെ അംഗവുമായ മൈമൂന അബ്ബാസിനെ ആദരിച്ചു. റിയാദ് എക്സിറ്റ് 18-ല് സംഘടിപ്പിച്ച കോഴിക്കോടന്സ് 'പെരുന്നാള് രാവ്' പരിപാടിയിലായിരുന്നു ആദരിക്കല് ചടങ്ങ്.
മൂന്ന് പതിറ്റാണ്ടിലധികമായി റിയാദില് അധ്യാപികയായി സേവനമനുഷ്ഠിക്കുന്ന മൈമൂന ടീച്ചര്ക്ക് ലഭിച്ച ഈ അംഗീകാരം ഇന്ത്യന് സമൂഹത്തിനും, പ്രത്യേകിച്ച് മലയാളി സമൂഹത്തിനും ഏറെ അഭിമാനകരമാണെന്ന് ചടങ്ങില് സംസാരിച്ചവര് അഭിപ്രായപ്പെട്ടു. കടന്നുപോയ അധ്യാപന ജീവിതത്തിലേക്ക് തിരിഞ്ഞുനോക്കുമ്പോള് ഏറെ സന്തോഷമുണ്ടെന്നും, ലോകത്തിന്റെ വിവിധ കോണുകളില് അത്യുന്നത പദവികളില് ജോലി ചെയ്യുന്ന ആയിരക്കണക്കിന് ശിഷ്യന്മാരാണ് തന്റെ ഏറ്റവും വലിയ സമ്പാദ്യമെന്നും മറുപടി പ്രസംഗത്തില് മൈമൂന ടീച്ചര് പറഞ്ഞു. റിയാദിലെ കോഴിക്കോട്ടുകാരുടെ കൂട്ടായ്മയായ 'കോഴിക്കോടന്സി'നോടും റിയാദിലെ മലയാളി സമൂഹത്തോടും ടീച്ചര് നന്ദി രേഖപ്പെടുത്തി.
ചടങ്ങില് കോഴിക്കോടന്സ് ചീഫ് ഓര്ഗനൈസര് കെ.സി. ഷാജു അധ്യക്ഷത വഹിച്ചു. ബഷീര് പാരഗണ്, വി.കെ.കെ. അബ്ബാസ്, ഫൗണ്ടര് മെമ്പര് മുനീബ് പാഴൂര്, മുന് ചീഫ് ഓര്ഗനൈസര്മാരായ ഹര്ഷദ് ഫറോക്ക്, സഹീര് മുഹ്യുദ്ദീന്, റാഫി കൊയിലാണ്ടി, കബീര് നല്ലളം എന്നിവര് സംസാരിച്ചു. അനില് മാവൂര് സ്വാഗതം ആശംസിച്ചു. ചടങ്ങില് നിഹാദ് അന്വര്, മുഹമ്മദ് ഷാഹിന്, അബ്ദുല് റഷീദ് പൂനൂര്, അന്സാര് കൊടുവള്ളി, മുഹമ്മദ് ആഷിഫ്, നിസാം ചെറുവാടി, സി.ടി. സഫറുള്ള, ഫരീദ ബഷീര്, മുംതാസ് ഷാജു, സജീറ ഹര്ഷദ്, ശാലിമ റാഫി, സുമിത മുഹ്യുദ്ദീന്, ഫിജിന കബീര് എന്നിവര് സന്നിഹിതരായിരുന്നു.
ഫോട്ടോ മൈമൂന ടീച്ചര്ക്കുള്ള 'കോഴിക്കോടന്സ്' ഉപഹാരം ലുഹ ഗ്രൂപ്പ് ചെയര്മാന് ബഷീര് പാരഗണും ചീഫ് ഓര്ഗനൈസര് കെ.സി. ഷാജുവും ചേര്ന്ന് കൈമാറുന്നു.
.jpg)
