ജിദ്ദ: ആതുരസേവന രംഗത്ത് മലയാളി പ്രവാസികള്‍ക്കും സ്വദേശികള്‍ക്കും മറ്റ് വിദേശികള്‍ക്കുമായി കഴിഞ്ഞ 20 വര്‍ഷക്കാലമായി നിസ്തുല സേവനം ചെയ്തുവരുന്ന തലശ്ശേരി സ്വദേശി ഡോ. പി. കെ. റഷീദ് പ്രവാസ ജീവിതത്തോട് വിടപറയുന്നു. 2006-ല്‍ ജിദ്ദയിലെത്തിയത് മുതല്‍ അല്‍ അബീര്‍ മെഡിക്കല്‍ ഗ്രൂപ്പിന്റെ ഷറഫിയ്യ, സനായിയ്യ ശാഖകളിലെ ഇ.എന്‍.ടി. വിഭാഗത്തില്‍ സേവനം ചെയ്തത് മറക്കാനാവാത്ത അനുഭവമായിരുന്നുവെന്ന് ഡോ. റഷീദ് പറഞ്ഞു.

സാധാരണക്കാരില്‍ സാധാരണക്കാരായ രോഗികളായിരുന്നു അദ്ദേഹത്തിന്റെ അടുത്ത് അധികമായും എത്തിയിരുന്നത്. അവരുടെ കഷ്ടപ്പാടുകള്‍ കണ്ട് മനസ്സ് ഏറെ വിങ്ങിപ്പോയ നിരവധി സന്ദര്‍ഭങ്ങളുണ്ടായതായി ഡോക്ടര്‍ ഓര്‍ക്കുന്നു. പാനും പുകയില ഉല്‍പ്പന്നങ്ങളും സ്ഥിരമായി ഉപയോഗിച്ചിരുന്ന പലരെയും അതിന്റെ ദോഷവശങ്ങളെക്കുറിച്ച് ബോധവല്‍ക്കരിക്കാനും, അതിലൂടെ ആ ദുശ്ശീലം ഉപേക്ഷിക്കാന്‍ നിരവധി പേര്‍ക്ക് പ്രചോദനമാകാനും അദ്ദേഹത്തിന് സാധിച്ചു.

പ്രവാസികള്‍ അനുഭവിക്കുന്ന മാനസിക സംഘര്‍ഷങ്ങള്‍ക്ക് ഒരളവുവരെ ശമനം നല്‍കാന്‍ കഴിഞ്ഞുവെന്ന നിര്‍വൃതിയിലാണ് ഈ ജനകീയ ഡോക്ടര്‍ മടങ്ങുന്നത്. നാട്ടിലെത്തുന്ന അദ്ദേഹം മംഗലാപുരത്തെ ഇന്ത്യാന ഹോസ്പിറ്റലില്‍ ചുമതലയേല്‍ക്കും. ഒപ്പം ജീവകാരുണ്യ പ്രവര്‍ത്തനങ്ങളില്‍ കൂടുതല്‍ സജീവമാകാനാണ് ഉദ്ദേശിക്കുന്നതെന്നും അദ്ദേഹം വ്യക്തമാക്കി.

ബന്ധപ്പെടേണ്ട നമ്പര്‍: ഡോ. റഷീദുമായി ഈ നമ്പറില്‍ ബന്ധപ്പെടാം: 0091 94970 43625