ഷാര്ജ: ഷാര്ജയില് മലയാളി യുവാവ് കുത്തേറ്റ് മരിച്ചു. കണ്ണൂര് പഴയങ്ങാടി സ്വദേശി ഇസ്മായില് പൊന്നന് (40) ആണ് മരിച്ചത്. ടിക് ടോക്കിലൂടെയുണ്ടായ തര്ക്കവും വെല്ലുവിളിയുമാണ് കൊലപാതകത്തില് കലാശിച്ചത്. കൊല്ലം സ്വദേശിയായ പ്രതിയടക്കം നാലുപേരെ ഷാര്ജ പോലീസ് കസ്റ്റഡിയിലെടുത്തു.
ടിക് ടോക്കിലെ വെല്ലുവിളിക്ക് ശേഷം പ്രതിയെ കാണാന് ഷാര്ജ അല് നഹ്ദയില് ഇസ്മായില് എത്തുകയായിരുന്നവെന്ന് പറയുന്നു. തുര്ന്ന് പൊതു സ്ഥലത്തുവെച്ച് ഇരുവരും തമ്മില് തര്ക്കമുണ്ടാകുകയും കത്തിക്കുത്തില് കലാശിക്കുകയുമായിരുന്നു. ഇതിന്ഖെ ദൃശ്യങ്ങള് ഷാര്ജ പൊലീസിന് ലഭിച്ചിട്ടുണ്ട്. ഇസ്മായില് സംഭവ സ്ഥലത്തുവെച്ചുതന്നെ മരിച്ചു. ടിക് ടോക്കില് വെല്ലുവിളി നടത്തിയ കൊല്ലം സ്വദേശിയാണ് കേസിലെ മുഖ്യ പ്രതിയെന്നാണ് സൂചന.
വര്ഷങ്ങളായി ദുബായില് ജോലി ചെയ്യുകയായിരുന്നു ഇസ്മായില്. ഭാര്യയും മക്കളും നാട്ടിലാണ്. ഇസ്മായിലിന്റെ സഹോദരന് ജുബൈറും ദുബായിലുണ്ട്. അല് ഖാസ്മിയ ആശുപത്രിയില് സൂക്ഷിച്ചിരിക്കുന്ന മൃതദേഹം നടപടികള് പൂര്ത്തിയാക്കി നാട്ടിലേക്ക് കൊണ്ടുപോകും.
Related News
