കൊല്ലം: ഗുരുതരമായ പാന്ക്രിയാറ്റിറ്റിസ് ബാധിച്ചു തിരുവനന്തപുരം കിംസ് ഹോസ്പിറ്റലില് ചികിത്സയില് കഴിയുന്ന തെങ്ങുംവിള സ്വദേശിയായ യുവാവിന് ചക്കുവള്ളി പ്രവാസി കൂട്ടായ്മ ചികിത്സാസഹായം കൈമാറി. ചക്കുവള്ളി പ്രവാസി കൂട്ടായ്മയുടെ ഓഫീസില് നടന്ന ചടങ്ങില് കുന്നത്തൂര് എം.എല്.എ ഉല്ലാസ് കോവൂര് ജീവകാരുണ്യ കണ്വീനര് അബ്ദുല് റഷീദ് പറങ്കാവിളയ്ക്ക് ചെക്ക് കൈമാറി ഉദ്ഘാടനം ചെയ്തു. ചടങ്ങില് ചക്കുവള്ളി പ്രവാസി കൂട്ടായ്മ പ്രസിഡന്റ് വഹാബ് വൈശ്യന്റയ്യത്ത് അധ്യക്ഷത വഹിച്ചു.
അക്കരയില് ഷെഫീക്ക്, ഹാരീസ് പോരുവഴി, ഷാജി മുകളുവിള, റിയാസ് മലാസ്, അബ്ദുല് സലിം അര്ത്തിയില്, മാത്യു പടിപ്പുരയില്, സലാം പുതുവിള, ഷിജു ശരീഫ്, ഷാനവാസ് ശൂരനാട്, ഷംനാദ് വാഴയ്യത്ത്, നൗഫല് തോപ്പില് എന്നിവര് ചടങ്ങില് സംസാരിച്ചു. ചക്കുവള്ളി പ്രവാസി കൂട്ടായ്മ ജോയിന്റ് സെക്രട്ടറി അന്ഷാദ് പാലവിള സ്വാഗതവും കൂട്ടായ്മ ട്രഷറര് ഷാരൂക്ക് നന്ദിയും പറഞ്ഞു.
സജി വി.എസ്, റിയാസ് ഒല്ലായി, ജബ്ബാര് ചിറയില്, ലത്തീഫ് ചക്കുവള്ളി, നുജൂം പാറയില്മുക്ക്, ജോണ് പാപ്പച്ചന്, നജീം പാലവിള, ഷാജഹാന് നെക്സ്റ്റ്റ്റോ എന്നിവര് പരിപാടികള്ക്ക് നേതൃത്വം നല്കി.
Related News
