മലപ്പുറം: ഹജ്ജ്-2027 മായി ബന്ധപ്പെട്ട് സംസ്ഥാന ഹജ്ജ് കമ്മിറ്റിയുടെ ഹജ്ജ് ട്രെയിനര്മാരായി പ്രവര്ത്തിക്കാന് താല്പര്യമുള്ളവരില് നിന്ന് അപേക്ഷ ക്ഷണിച്ചു. ചുമതലകള് പ്രതിഫലം കൂടാതെ നിര്വ്വഹിക്കാന് താല്പര്യമുള്ളവര് 2026 ജൂണ് 15-നകം ഓണ്ലൈന് മുഖേന അപേക്ഷ സമര്പ്പിക്കണം. ഓണ്ലൈന് അപേക്ഷയുടെ ലിങ്ക് സംസ്ഥാന ഹജ്ജ് കമ്മിറ്റിയുടെ keralahajcommittee.org എന്ന വെബ്സൈറ്റില് ലഭ്യമാണ്.
അപേക്ഷകര് 25 വയസ്സ് പൂര്ത്തിയായവരും കമ്പ്യൂട്ടര് പരിജ്ഞാനമുള്ളവരായിരിക്കണം. ഇ-മെയില്, വാട്സ്ആപ്പ് തുടങ്ങി ഓണ്ലൈന് മാധ്യമങ്ങള് ഉപയോഗിക്കുന്നതിനുള്ള കഴിവുള്ളവരും ഹാജിമാര്ക്ക് ആവശ്യമായ വിവരങ്ങള് നല്കാന് കഴിയുന്നവരുമായിരിക്കണം.
ഹജ്ജ് അപേക്ഷകര്ക്ക് വേണ്ട മാര്ഗ നിര്ദ്ദേശങ്ങള് നല്കുക, ഓണ്ലൈന് ഹജ്ജ് അപേക്ഷ സമര്പ്പിക്കലും ആവശ്യമായ രേഖകളെക്കുറിച്ച് വിവരം നല്കലും, തിരഞ്ഞെടുക്കപ്പെട്ടവര്ക്ക് പരിശീലന ക്ലാസ്സുകളും മെഡിക്കല് ക്യാമ്പും കുത്തിവെപ്പ് ക്യാമ്പും സംഘടിപ്പിക്കുക തുടങ്ങിയവ ട്രെയിനര്മാരുടെ ചുമതലകളാണ്.
Related News
