ബംഗളൂരു/കൊച്ചി: വരുന്ന ഡിസംബറില് വിവാഹം നടക്കാനിരിക്കെ, ബാങ്ക് ജീവനക്കാരായ യുവതിയും യുവാവും അടുത്തടുത്ത ദിവസങ്ങളിലായി മരിച്ച നിലയില് കണ്ടെത്തി. ഇരുവരുടെയും ആത്മഹത്യയാണെന്ന് സംശയിക്കുന്നു. കര്ണാടക ഹുന്സൂരില് ബാങ്ക് ജീവനക്കാരിയായ യുവതിയെ താമസസ്ഥലത്ത് മരിച്ച നിലയില് കണ്ടെത്തിയതിന് പിന്നാലെ, യുവാവിനെ എറണാകുളത്തെ ഹോട്ടല് മുറിയില് ആത്മഹത്യ ചെയ്ത നിലയില് കണ്ടെത്തുകയായിരുന്നു.
കാസര്കോട് പള്ളിക്കര പൂച്ചക്കാട് കിഴക്കേകരയിലെ കെ. ചന്ദ്രന് - റീന ദമ്പതികളുടെ മകളായ പി. അനുശ്രീയെയാണ് (24) കര്ണാടക ഹുന്സൂരിലെ താമസസ്ഥലത്ത് മരിച്ച നിലയില് കണ്ടെത്തിയത്. മൈസൂരിലെ എസ്.ബി.ഐ ഹുന്സൂര് ശാഖയിലെ ജീവനക്കാരിയായിരുന്നു. വീഡിയോ കോള് വിളിച്ച ശേഷമായിരുന്നു അനുശ്രീ ആത്മഹത്യ ചെയ്തതെന്ന് പറയുന്നു. പോസ്റ്റ്മോര്ട്ടത്തിന് ശേഷം മൃതദേഹം പൂച്ചക്കാട്ടെ വീട്ടിലെത്തിച്ച് സംസ്കരിച്ചു.
അനുശ്രീയുടെ മരണത്തിന് പിന്നാലെ, പ്രതിശ്രുത വരനായ കണ്ണൂര് ഇരിട്ടി വിളമന അമ്പലത്തട്ട് ആണ്ടിയന് വീട്ടില് സുധാകരന്റെ മകന് വി. അമലിനെയും (26) എറണാകുളം നോര്ത്ത് റെയില്വേ സ്റ്റേഷന് സമീപമുള്ള ഹോട്ടല് മുറിയില് മരിച്ച നിലയില് കണ്ടെത്തുകയായിരുന്നു. എറണാകുളത്തെ ഒരു ബാങ്കില് ജീവനക്കാരനായിരുന്നു അമല്.
വിവരമറിഞ്ഞ അമലിന്റെ ബന്ധുക്കള് കൊച്ചിയിലേക്ക് തിരിച്ചു. . കര്ണാടക പൊലീസും കൊച്ചി പൊലീസും സംഭവത്തില് കേസ് രജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്.
Related News
