മലപ്പുറം: വൈദ്യുതി വേലിയില്‍ നിന്ന് ഷോക്കേറ്റ് മലപ്പുറം വെട്ടത്തൂരില്‍ സഹോദരങ്ങള്‍ മരിച്ചു. വെട്ടത്തൂര്‍ എഴുതലയിലെ പട്ടിക്കുത്തന്‍ മുഹമ്മദ് ഫാസില്‍ മുര്‍ഷിദ് (32), സാഹിര്‍ നവാസ് (36) എന്നിവരാണ് മരിച്ചത്. പിതാവ്: ഹംസ. മാതാവ്: ആയിഷ.

കോഴി ഫാമിലേക്ക് തീറ്റ ഇറക്കുന്നതിനിടെയാണ് അപകടത്തില്‍പെട്ടത്. ബുധനാഴ്ച രാവിലെ 11ഓടെയാണ് അപകടം. പന്നിക്ക് വെച്ച കെണിയിലെ കമ്പിയില്‍ നിന്നാകാം ഷോക്കേറ്റതെന്ന് സംശയിക്കുന്നു. മൃതദേഹങ്ങള്‍ പെരിന്തല്‍മണ്ണയിലെ ആശുപത്രിയിലേക്ക് മാറ്റി. സംഭവത്തില്‍ പൊലീസ് വിശദമായ അന്വേഷണം ആരംഭിച്ചു.