കോഴിക്കോട്: കേന്ദ്ര സര്‍ക്കാരിന്റെ പി.എം. ശ്രീ പദ്ധതി കേരളത്തില്‍ നടപ്പാക്കാന്‍ അനുവദിക്കില്ലെന്ന് എം.എസ്.എഫ്. ഭരണമാറ്റത്തിന് അനുസരിച്ച് നിലപാടുകളില്‍ മാറ്റം വരുത്തില്ലെന്ന് എം.എസ്.എഫ്. സംസ്ഥാന പ്രസിഡന്റ് ശറഫുദ്ദീന്‍ പിലാക്കല്‍ വ്യക്തമാക്കി. കോഴിക്കോട്ട് നടന്ന ക്യാമ്പസ് ലീഡേഴ്സ് മീറ്റില്‍ സംസാരിക്കുകയായിരുന്നു അദ്ദേഹം.

കേരളത്തില്‍ പി.എം. ശ്രീ പദ്ധതി നടപ്പിലാക്കാമെന്ന് ഏതെങ്കിലും സര്‍ക്കാര്‍ കരുതുന്നുണ്ടെങ്കില്‍ അത് വെറും വ്യാമോഹമാണെന്നും, ശക്തമായ സമരപരിപാടികളുമായി മുന്നോട്ട് പോകുമെന്നും അദ്ദേഹം മുന്നറിയിപ്പ് നല്‍കി. മുന്‍ പ്രസിഡന്റുമാര്‍ സ്വീകരിച്ച അതേ വിരുദ്ധ നിലപാടില്‍ തന്നെയാണ് സംഘടന ഇപ്പോഴുമുള്ളത്. അധികാരം മാറുന്നതിനനുസരിച്ച് നിലപാടുകള്‍ മാറ്റുന്ന എസ്.എഫ്.ഐ.യുടെ ശൈലിയല്ല എം.എസ്.എഫിന്റേതെന്നും ശറഫുദ്ദീന്‍ കൂട്ടിച്ചേര്‍ത്തു.