റിയാദ്: ഹൂതി ആക്രമണങ്ങള്‍ തുടരുന്ന സൗദി അറേബ്യയില്‍, സമീപകാല സംഭവങ്ങളുടെ ദൃശ്യങ്ങള്‍ പകര്‍ത്തിയതിന് അമേരിക്കന്‍ പൗരന്മാര്‍ കസ്റ്റഡിയിലായതായി റിയാദിലെ യു.എസ് എംബസി അറിയിച്ചു. എന്നാല്‍ എത്ര പേരാണ് അറസ്റ്റിലായതെന്ന് എംബസി വ്യക്തമാക്കിയിട്ടില്ല.
ആക്രമണങ്ങള്‍, മിസൈല്‍ പ്രതിരോധ സംവിധാനങ്ങളുടെ പ്രവര്‍ത്തനം, മിസൈലുകളോ ഡ്രോണുകളോ പതിച്ച സ്ഥലങ്ങള്‍ എന്നിവയുടെ ചിത്രങ്ങളോ വീഡിയോകളോ പകര്‍ത്തുന്നതും പ്രചരിപ്പിക്കുന്നതും നിയമനടപടികള്‍ക്ക് കാരണമാകുമെന്ന് സൗദി അധികൃതര്‍ മുന്നറിയിപ്പ് നല്‍കിയിട്ടുണ്ടെന്ന് യു.എസ് വിഷന്‍ ഓര്‍മ്മിപ്പിച്ചു.
കൂടാതെ, സൗദി അറേബ്യയിലെ വിമാനത്താവളങ്ങള്‍ ഉപയോഗിക്കുന്നതിന് മുന്നോടിയായി ഭരണകൂട ജീവനക്കാര്‍ പ്രത്യേക അനുമതി വാങ്ങണമെന്ന് എംബസി നിര്‍ദ്ദേശിച്ചു. വിമാനത്താവളങ്ങള്‍ ഉപയോഗിക്കുന്ന യു.എസ് പൗരന്മാര്‍ അതീവ ജാഗ്രത പാലിക്കണമെന്നും നിര്‍ദ്ദേശമുണ്ട്.
അതിനിടെ, ഹൂതികള്‍ നടത്തിയ ആക്രമണങ്ങളില്‍ സൗദിയിലെ വിവിധ വിമാനത്താവളങ്ങളില്‍ കനത്ത നാശനഷ്ടമാണുണ്ടായത്. റിയാദ് വിമാനത്താവളത്തിലുണ്ടായ ആക്രമണങ്ങളില്‍ ശനിയാഴ്ച കൊല്ലപ്പെട്ട 13 പേര്‍ ഉള്‍പ്പെടെ 18 പേര്‍ മരണപ്പെടുകയും നൂറിലധികം പേര്‍ക്ക് പരിക്കേല്‍ക്കുകയും ചെയ്തു. ചൊവ്വാഴ്ച അബഹ അന്താരാഷ്ട്ര വിമാനത്താവളത്തിലുണ്ടായ ആക്രമണത്തില്‍ രണ്ടുപേരും കൊല്ലപ്പെട്ടിട്ടുണ്ട്.
Related News
