കൊച്ചി: ജര്‍മനിയിലെ ബോഹും നഗരത്തിലെ അപ്പാര്‍ട്ട്‌മെന്റിലുണ്ടായ തീപ്പിടിത്തത്തില്‍ ജീവന്‍ നഷ്ടപ്പെട്ട സിവിന്‍ ജോണിയുടെയും കൊല്ലം പെരിയനാട് സ്വദേശിനി അഞ്ജലിയുടെയും മൃതദേഹങ്ങള്‍ ഇന്ന് പുലര്‍ച്ചെ നെടുമ്പാശ്ശേരിയിലെത്തിച്ചു.
മൃതദേഹങ്ങള്‍ ബന്ധുക്കളും, കാലടി ഗ്രാമപഞ്ചായത്ത് പ്രസിഡന്‍് പൗളി, ജനപ്രതിനിധികള്‍, നോര്‍ക്ക ഉദ്യോഗസ്ഥര്‍ എന്നിവര്‍ ചേര്‍ന്ന് ഏറ്റുവാങ്ങി. തുടര്‍ന്ന് ആലുവയിലെ സി എ ആശുപത്രിയില്‍ എത്തിച്ച് മറ്റ് നടപടികള്‍ പൂര്‍ത്തിയാക്കി. സിവിന്റെ മൃതദേഹം രാവിലെ 6.30 ഓടെ കാലടി മാണിക്ക മംഗലത്തെ തോട്ടകത്തുള്ള ഭവനത്തില്‍ എത്തിച്ചു. ഉച്ചകഴിഞ്ഞ് രണ്ടിന് വീട്ടില്‍ ആരംഭിക്കുന്ന പ്രാര്‍ത്ഥനാ ശുശ്രൂഷകള്‍ക്കു ശേഷം മാണിക്ക മംഗലം സെന്റ് റോക്കീസ് പള്ളിയില്‍ സംസ്‌ക്കാരം നടത്തും.
അപകടത്തില്‍ മരിച്ച കൊല്ലം പെരിയനാട് സ്വദേശിനി അഞ്ജലിയുടെ മൃതദേഹം സ്വദേശത്തേക്ക് കൊണ്ടുപോയി. സിവിനും അഞ്ജലിക്കുമൊപ്പം തീപ്പിടിത്തത്തില്‍ പുക ശ്വസിച്ച് ജീവന്‍ നഷ്ടപ്പെട്ട ഇടുക്കി സ്വദേശിനി നോവ സാബുവിന്റെ മൃതദേഹം ഇന്ന് രാത്രി 8.15 ന് നെടുമ്പാശ്ശേരിയില്‍ എത്തിക്കും.
Related News
