ജിസാന്‍: ഒന്നര പതിറ്റാണ്ടിലേറെക്കാലത്തെ പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന സബിയ ഏരിയ കമ്മിറ്റി ജനറല്‍ സെക്രട്ടറി മുഹമ്മദ് ബഷീര്‍ പെരുമുഖത്തിന് സബിയ കെ.എം.സി.സി കമ്മിറ്റിയുടെ നേതൃത്വത്തില്‍ യാത്രയയപ്പ് നല്‍കി.
സബിയ അല്‍-സഫാദ് റെസ്റ്റോറന്റില്‍ വെച്ച് സംഘടിപ്പിച്ച ചടങ്ങില്‍ നിയുക്ത ജനറല്‍ സെക്രട്ടറി പീച്ചി കുഞ്ഞുമുഹമ്മദ് സ്വാഗതം പറഞ്ഞു. ഏരിയ കമ്മിറ്റി പ്രസിഡന്റ് സാദിഖ് മാസ്റ്റര്‍ അധ്യക്ഷത വഹിച്ച യോഗം ഡോ. മന്‍സൂര്‍ മാസ്റ്റര്‍ ഉദ്ഘാടനം ചെയ്തു.
കെ.എം.സി.സി സെന്‍ട്രല്‍ കമ്മിറ്റി പ്രസിഡന്റ് ഷംസു പൂക്കോട്ടൂര്‍, ആരിഫ് ഒതുക്കുങ്ങല്‍, ഷബീര്‍ ഫര്‍ഹാന്‍, സാന്‍ഫര്‍ കാവനൂര്‍, സാലിം നെച്ചിയില്‍, അഫ്‌സല്‍ കാട്ടേകാടന്‍ എന്നിവര്‍ സംസാരിച്ചു. സബിയ ഏരിയ കമ്മിറ്റിയുടെയും സെന്‍ട്രല്‍ കമ്മിറ്റിയുടെയും ഉപഹാരങ്ങള്‍ നേതാക്കള്‍ അദ്ദേഹത്തിന് കൈമാറി. ബഷീര്‍ ഫറോക്ക് നന്ദി പറഞ്ഞു.
Related News
