ദമ്മാം: ഖത്തീഫ് ക്ലാസിക്ക് ക്യാബ് (ക്യൂ.സി.സി) ദമ്മാം ലുലുമാളുമായി സഹകരിച്ച് കൊണ്ട് കിഴക്കന് പ്രവിശ്യയിലെ പ്രവാസികള്ക്കായ് സംഘടിപ്പിച്ച Qcc ഈദ് ഫെസ്റ്റ് 2025 അക്ഷരാത്ഥത്തില് ആസ്വാദകര്ക്ക് സംഗീതത്തിന്റെ മാസ്മരിക അനുഭൂതിയാണ് നല്കിയത്. ഐഡിയ സ്റ്റാര് സിംഗര് - സരിഗമ റിയാലിറ്റി ഷോകളിലൂടെയും, സ്വദേശത്തും വിദേശത്തുമായി നിരവധി പരിപാടികളിലൂടെയും ശ്രദ്ധേയരായ ലക്ഷ്മി ജയനും, അക്ബര് ഖാനും ചേര്ന്ന് നയിച്ച ഈദ് ഫെസ്റ്റ് നിരവധി കലാപരിപാടികളാല് ദൃശ്യ വിസ്മയം തീര്ത്തു. കാസര്കോഡ് മൊഞ്ചത്തിസ് ഒപ്പന, നാട്ട്യാഞ്ജലി നൃത്തവിദ്യാലയം, കൃതിമുഖ സ്കൂള് ഓഫ് ഡാന്സ്,
ഈജിപ്ഷ്യന് കലാകാരന് അഹമ്മദ് അല് യാഫി അവതരിപ്പിച്ച തനൂറ ഡാന്സ് എന്നിവ കാണികള്ക്ക് കണ്കുളിര്മയേകി. പ്രവിശ്യയിലെ ഗായകരായ റഊഫ് ചാവക്കാട്, സിദ്ദിഖ് കായംകുളം എന്നിവര് സംഗീത വിരുന്നിന്റെ. ഭാഗമായി. മലയാളികള്ക്ക് പുറമേ മറ്റു ദേശക്കാരും പരിപാടി വീക്ഷിക്കാന് എത്തിയിരുന്നു. അടുത്ത കാലത്ത് ജനപങ്കാളിത്തം കൊണ്ട് കിഴക്കന് പ്രവിശ്യ കണ്ട ഏറ്റവും ശ്രദ്ധേയമായ പരിപാടികളിലൊന്നായി ഈദ് ഫെസ്റ്റ് മാറിയെന്ന് പ്രേക്ഷകര് ഒന്നടങ്കം അഭിപ്രായപ്പെട്ടു.
സംഘാടക സമിതി ചെയര് പേഴ്സണ് ഹുസ്ന ആസിഫ്, ജനറല് കണ്വീനര്: ഷനീബ് അബൂബക്കര്, രക്ഷാധികാരികള് : ആസിഫ് താനൂര്, മാത്തുക്കുട്ടി പള്ളിപ്പാട് ,ഇവന്റ് അഡൈ്വസര്മാര് : ഷാജി മതിലകം, താജു അയ്യാരില്. കണ്വീനര്മാരായ : ഹസ്സന് കൊട്ടിലില്, താഹിര് വല്ലപ്പുഴ, മുഹമ്മദ് നൂഹ്, തംഷീര് മൊയ്ദു (ക്യു.സി.സി. പ്രസിഡന്റ്) ,സജാദ് ഷഹീര് (സെക്രട്ടറി), ഷാഹുല് ഹമീദ് (ട്രഷറര്), മുനീര് മണ്റോത്ത് , ഷെരീഫ്, ഹാരിസ്, ഹനീഫ് എന്നിവര്
നേതൃത്വം നല്കി. സ്പോണ്സര് മാര്ക്കുള്ള ഉപഹാരം പ്രവിശ്യയിലെ കലാ സാംസ്കാരിക രാഷ്ട്രീയ -മാധ്യമ മേഖലയില വ്യക്തികളായ ബിജു കല്ലുമല, പ്രദീപ് കൊട്ടിയം, സാജിദ് ആറാട്ടുപ്പുഴ, മഞ്ജു മണിക്കുട്ടന്, മാലിക് മക്ബൂല് എന്നിവര് ചേര്ന്ന് നല്കി. നിധിന് കണ്ട ബേയത്ത്, നൂറ നിറാഷ് എന്നിവര് അവതാരകരായിരുന്നു.
