മലപ്പുറം: സൂപ്പര് ലീഗ് കേരള സീസണ് 2ലെ മലപ്പുറത്തിന്റെ സ്വന്തം ടീമായ മലപ്പുറം എഫ്സി ആരാധകരുടെ പ്രതീക്ഷകള്ക്കൊത്തുയരുമെന്ന്
ടീം പ്രമോട്ടര്മാര് പറഞ്ഞു. ഇതിനായി വിദേശ താരങ്ങള് ഉള്പ്പെടെ ഇനിയും കളിക്കാര് ടീമിലെത്തും. മെസ്സിയുടെയും അര്ജന്റിന ടീമിന്റെയും കേരള സന്ദര്ശനവുമായി ബന്ധപ്പെട്ട് സംസ്ഥാന പത്രപ്രവര്ത്തക യൂണിയനുമായി സഹകരിച്ച് തിരൂരില് വെച്ച് ജില്ലാ പ്രസ്സ് ക്ലബ്ബുകള് തമ്മിലുള്ള ഫുട്ബോള് മത്സരം സംഘടിപ്പിക്കും. മലപ്പുറത്ത് ടീം മാനേജ്മെന്റും മാധ്യമപ്രവര്ത്തകരും ചേര്ന്ന് നടത്തിയ സ്നേഹ സംഗമത്തിലാണ് ഇക്കാര്യമറിയിച്ചത്.
ചടങ്ങില് സീസണ് 2 ലെ ടീമിന്റെ പുതിയ ജഴ്സി പുറത്തിറക്കി. പത്രപ്രവര്ത്തക യൂണിയന് സംസ്ഥാന ജനറല് സെക്രട്ടറി സുരേഷ് എടപ്പാളിന് നല്കിക്കൊണ്ട് മലപ്പുറം എംഎസ്പി കമാന്ഡന്റ് കെ.സലീം ഐപിഎസ് ആണ് പുതിയ ജേഴ്സി പുറത്തിറക്കിയത്. ചിഫ് പ്രമോട്ടര് ആഷിഖ് കൈനിക്കര അധ്യക്ഷത വഹിച്ചു.
പ്രമോട്ടര്മാരായ അജ്മല് ബിസ്മി. ജംഷീദ് പി ലില്ലി സിഇഒ അരുണ് മനു, മീഡിയ കോഡിനേറ്റര് മുജീബ് താനാളൂര്, മാനേജര് ഡാനിഷ് ഹൈദ്രോസ്. ക്ലബ്ബ്
നിര്വഹണ സമിതി അംഗം ഷാഹിര് മണ്ണിങ്ങല്, മലപ്പുറം പ്രസ് ക്ലബ് പ്രസിഡണ്ട് എസ് മഹേഷ് കുമാര്, സെക്രട്ടറി വി പി നിസാര് , പത്രപ്രവര്ത്തക യൂണിയന് സംസ്ഥാന നിര്വഹണ സമിതി അംഗം വി.അജയകുമാര് എന്നിവര് സംസാരിച്ചു.
ഫോട്ടോ അടിക്കുറിപ്പ്
മലപ്പുറം എഫ്സി നടത്തിയ സ്നേഹ സംഗമത്തില് ടീമിന്റെ പുതിയ ജഴ്സി പത്രപ്രവര്ത്ത യൂണിയന് സംസ്ഥാന ജനറല് സെക്രട്ടറി സുരേഷ് എടപ്പാളിന് നല്കി മലപ്പുറം എംഎസ്പി കമാന്ഡന്റ് കെ സലീം ഐപിഎസ് പ്രകാശനം ചെയ്യുന്നു.
.jpg)
Related News
