ദമാം : പ്രമുഖ പ്രവാസി ഫുട്ബോള് ക്ലബായ അല് കോബാര് എം.യു.എഫ്.സി സംഘടിപ്പിച്ച പി.എം നജീബ് മെമ്മോറിയല് ചാലഞ്ചേഴ്സ് കപ്പിന് ദമാം വിന്നേഴ്സ് സ്റ്റേഡിയത്തില് ആവേശകരമായ സമാപനം. എ ആര് എഞ്ചിനിയറിംഗ് ആര്.സി.എഫ് സിയെ ഏകപക്ഷിയമായ ഒരു ഗോളിന് പരാജയപ്പെടുത്തിയാണ് പെസഫിക് ലോജിസ്റ്റിക് ബദര് എഫ് സി കിരീട ജേതാക്കളായത്. അത്യന്തം ആവേശം നിറഞ്ഞ കലാശപ്പോരാട്ടത്തില് കളിയുടെ മുപ്പത്തി ഏഴാം മിനുട്ടില് ആര്. സി. എഫ്. സിക്കെതിരെ ബദര് എഫ് സി സ്ട്രൈക്കര് ഹസ്സന് നല്കിയ അസിസ്റ്റില് ഷിബില് നേടിയ ഗോളിനാണ് ബദര് എഫ് സി മേളയുടെ ചാമ്പ്യന്മാരായത്.
ശക്തമായ മുന്നേറ്റങ്ങളുമായി ആര്. സി. എഫ്. സി തിരിച്ചുവരവിന് ശ്രമിച്ചെങ്കിലും ബദര് എഫ് സിയുടെ പ്രതിരോധ നിരയും ഗോള്കീപ്പറും ഗോള് നേടുകയെന്ന അവരുടെ ശ്രമത്തിന് കടിഞ്ഞാണിട്ടു. ദമാം ഇന്ത്യന് ഫുട്ബോള് അസോസിയേഷന്റെ സഹകരണത്തോടെയാണ് ഒന്നര മാസത്തോളം നീണ്ടു നില്ക്കുന്ന മേള സംഘടിപ്പിച്ചത്. ടൂര്ണമെന്റിലെ മികച്ച താരമായി ആര്.സി.എഫ്.സിയുടെ അനന്തു മുരളിയെ തിരഞ്ഞെടുത്തു. മികച്ച കളിക്കാരായി ബദര് എഫ് സി യുടെ ഹസ്സന് ടോപ് സ്കോറര്, സാദിഖ് ഗോള്കീപ്പര്, ഷിബിലി ഡിഫന്ഡര്, ആര്. സി .എഫ്. സിയുടെ ഷാജഹാന് എമേര്ജിങ് പ്ലെയര്, ആരാധകരുടെ കളിക്കാരന് സുമേഷ് എം.യു.എഫ്.സി എന്നിവരെ തിരഞ്ഞെടുത്തു. ഷിബില് (ബദര് എഫ് സി) ഫൈനല് മത്സരത്തിലെ മാന് ഓഫ് ദ മാച്ചായി. കോര്ണിഷ് സോക്കറിനാണ് ഫെയര് പ്ലേ ട്രോഫി.
ബിസിനസ് രംഗത്തെ പ്രമുഖരായ യഹ്യ അല് ഷാംങ്തി , സയ്യിദ് ഉബൈദ്, കാര്ത്തിക് സുകുമാര്, അസ്ലം പള്ളിമെയില്, മുസ്തഫ ഹാര്ബ്, ജെസ്ബീര് അബ്ദുള് ജബ്ബാര്, നിഹാല് മുഹമ്മദ്, ഡിഫ പ്രസിഡന്റ് ഷമീര് കൊടിയത്തൂര്, മറ്റു ഭാരവാഹികളായ റഷീദ് ചേന്ദമംഗല്ലൂര്, ഫൈസല് എടത്തനാട്ടുകര എന്നിവര് സമാപന ചടങ്ങില് പങ്കെടുത്തു. സ്ത്രീകളടക്കം നിരവധി പേര് കളി വീക്ഷിക്കാനെത്തി. മഹമൂദ് അബൂബക്കര്, നൗഷാദ് മാവൂര്, ഷനൂബ് , സഹല് സലിം, അഷ്റഫ് കെ.എഫ്.യു.പി.എം, അഫ്താബ് , ആസിഫ് കൊണ്ടോട്ടി, നൗഷാദ് പട്ടാമ്പി എന്നിവര് സംഘാടനത്തിന് നേത്യത്വം നല്കി.
.jpg)
Related News
