ജിദ്ദ: സൗദി ഇന്ത്യന്‍ ഫുട്ബാള്‍ ഫോറത്തിന്റെ (സിഫ്) ആഭിമുഖ്യത്തില്‍ ജിദ്ദയില്‍ നടക്കുന്ന സിഫ് റബിഅ ടീ ചാമ്പ്യന്‍സ് ലീഗില്‍ ഇന്ന് (വ്യാഴാഴ്ച) രാത്രി ബി ഡിവിഷനില്‍ മൂന്ന് മത്സരങ്ങള്‍ നടക്കും. വസീറിയയിലുള്ള അല്‍ താവൂന്‍ സ്റ്റേഡിയത്തില്‍ രാത്രി 11-ന് ആരംഭിക്കുന്ന ആദ്യ മത്സരത്തില്‍ വെല്‍ കണക്റ്റ് ഐ.ടി ആന്‍ഡ് സെക്യൂരിറ്റി സൊല്യൂഷന്‍സ് യൂത്ത് ഇന്ത്യ ക്ലബ്, ഗ്ലോബ് ലോജിസ്റ്റിക്സ് ഫ്രൈഡേ എഫ്.സിയെ നേരിടും.

രണ്ടാം മത്സരത്തില്‍ ഇ.എഫ്.എസ് ലോജിസ്റ്റിക്സ് വൈ.സി.സി സാഗൊ എഫ്.സി, ഡേ ബൈ ഡേ മാര്‍ക്കറ്റ് യാസ് എഫ്.സിയുമായും മൂന്നാം മത്സരത്തില്‍ എച്ച്.എം.ആര്‍ ജെ.എസ്.സി ഫാല്‍ക്കണ്‍ എഫ്.സി, എഫ്.സി ഖുവൈസയുമായും ഏറ്റുമുട്ടും.

കളിച്ച രണ്ടു മത്സരങ്ങളും ജയിച്ച യാസ് എഫ്.സി നിലവില്‍ ആറ് പോയിന്റുമായി ഗ്രൂപ്പില്‍ ഒന്നാം സ്ഥാനത്താണ്. അതേസമയം രണ്ടു മത്സരങ്ങളില്‍നിന്നും മൂന്ന് പോയിന്റുകള്‍ വീതമുള്ള ഫാല്‍ക്കണ്‍ എഫ്.സിക്കും സാഗോ എഫ്.സിക്കും ഇന്നത്തെ മത്സരങ്ങള്‍ നിര്‍ണായകമാണ്.