ജിദ്ദ: സിഫിന്റെ (സൗദി ഇന്ത്യന് ഫുട്ബാള് ഫോറം) ആഭിമുഖ്യത്തില് ജിദ്ദയില് നടന്നുവരുന്ന സിഫ് റബിഅ ടീ ചാമ്പ്യന്സ് ലീഗില് ഇന്ന് എ ഡിവിഷനിലെ മത്സരങ്ങള് സെമി ഫൈനല് സാധ്യതകള് നിര്ണയിക്കുന്ന അതിനിര്ണായക പോരാട്ടങ്ങളാകും. ഇന്ത്യന് സൂപ്പര് താരങ്ങളായ സഹല് അബ്ദുല് സമദ്, റിസ്വാന് അലി, അഫ്സല് മുത്തു തുടങ്ങി വന് താരനിരയാണ് വസീരിയ അല് താവൂന് സ്റ്റേഡിയത്തില് നടക്കുന്ന മത്സരങ്ങളില് ബൂട്ടണിയുക.
രാത്രി 11 മുതല് ആരംഭിക്കുന്ന മത്സരങ്ങളില് ബാന് ബേക്കറി മഹ്ജര് എഫ്.സി, യാംബു എഫ്.സി ടീമുമായും, റീം അല് ഉല ഈസ്റ്റി സാബിന് എഫ്.സി എന്കംഫര്ട് എ.സി.സി എ ടീമിനെയും നേരിടും. ഇന്ത്യന് ഫുട്ബാളിലെ ശ്രദ്ധേയ മുഖങ്ങളായ സഹല് അബ്ദുല് സമദ്, മുഹമ്മദ് സുഹൈല്, കേരള ബ്ലാസ്റ്റേഴ്സ് താരം റിസ്വാന് അലി, ഐ ലീഗ് താരങ്ങളായ ഫാരിസ് റഹ്മാന്, അര്ഷല് എന്നിവരടങ്ങിയ ശക്തമായ നിരയാണ് മഹ്ജറിന്റെ കരുത്ത്.
മറുവശത്ത്, ആദ്യ മത്സരത്തില് ശക്തരായ സാബിന് എഫ്.സിയെ അട്ടിമറിച്ചതിന്റെ ആത്മവിശ്വാസത്തിലാണ് യാമ്പു എഫ്.സി. കേരള സന്തോഷ് ട്രോഫി താരം അജ്മല് കുന്നുമ്മല്, ഐ ലീഗ് താരങ്ങളായ ഫായിസ്, ദില്ഷാദ്, ഡാനിഷ് തുടങ്ങിയ പ്രമുഖരാണ് യാമ്പുവിനു വേണ്ടി കളത്തിലിറങ്ങുന്നത്. രണ്ടാം മത്സരത്തില് ഒരു പോയിന്റ് മാത്രമുള്ള റീം അല് ഉല ഈസ്റ്റി സാബിന് എഫ്.സിക്ക് സെമി ഫൈനല് സാധ്യത നിലനിര്ത്തണമെങ്കില് ഇന്ന് ജയം അനിവാര്യമാണ്.
ഇന്ത്യന് താരം മുഹമ്മദ് സനാന്, കേരള സന്തോഷ് ട്രോഫി താരം അഫ്സല് മുത്തു, നോര്ത്ത് ഈസ്റ്റ് യുനൈറ്റഡ്, ബാംഗ്ലൂര് എഫ്.സി ടീമുകളിലെ മണിപ്പൂരി താരങ്ങളായ അല്ലന് ക്യാമ്പര്, ഒവാനിജു പാജു, ദാമന് ചൈന് തുടങ്ങിയ പ്രമുഖരെ അണിനിരത്തിയാണ് സാബിന് എഫ്.സി ഇറങ്ങുന്നത്. മറുപക്ഷത്ത്, സിഫ് ഫുട്ബാളില് ഏറ്റവും കൂടുതല് ചാമ്പ്യന്പട്ടം നേടിയ റെക്കോര്ഡുള്ള എന്കംഫര്ട് എ.സി.സി എ ശക്തമായ ടീമാണ്.
.jpg)
Related News
