ജിദ്ദ: വുമണ് ഓഫ് വിസ്ഡം ലേഡീസ് ക്ലബ്ബിന്റെ ആഭിമുഖ്യത്തില് സംഘടിപ്പിച്ച 'ഡിപോര്ട്ടസ് 2.0' കായികമേള ജിദ്ദയിലെ കായിക പ്രേമികള്ക്ക് ആവേശകരമായി. അല് ഹറസാത്തിലെ സ്പോര്ട്സ് വില്ലയില് നടന്ന മത്സരങ്ങളില് നൂറുകണക്കിന് വനിതകള് പങ്കെടുത്തു.
പരിപാടിക്ക് തുടക്കം കുറിച്ച് ജെസ്സി സുബൈര് സ്വാഗത പ്രസംഗം നടത്തി. തുടര്ന്ന് ഹസ്ന സനം നയിച്ച വാം-അപ്പ് സെഷന് നടന്നു. ഫസ്ന സുബൈര് നന്ദി രേഖപ്പെടുത്തി.
ഗ്രീന്, റെഡ്, ബ്ലൂ, യെല്ലോ എന്നിങ്ങനെ നാല് ടീമുകളായി തിരിഞ്ഞാണ് മത്സരങ്ങള് നടന്നത്. ഓരോ ടീമും മികച്ച കായികക്ഷമതയും ടീം വര്ക്കും കാഴ്ചവെച്ചപ്പോള് പോയിന്റ് നിലയില് വലിയ മുന്നേറ്റം നടത്താന് റെഡ് ഹൗസിന് സാധിച്ചു.
ടര്ബോ റേസ്, ഒബ്സ്റ്റക്കിള് റേസ്, കപ്പ് ബാലന്സ് തുടങ്ങിയ ഇനങ്ങളില് പങ്കെടുത്തവര് മികച്ച പ്രകടനം കാഴ്ചവെച്ചു.
മത്സരത്തിലെ ഏറ്റവും വലിയ ആകര്ഷണം വടംവലി ആയിരുന്നു. കായിക മാമാങ്കത്തില് ജിദ്ദയുടെ വിവിധ ഭാഗങ്ങളില് നിന്നുള്ള നിരവധി വനിതകള് പങ്കെടുത്തു.
ക്ലബ്ബ് ഭാരവാഹികളായ ഫസ്ന സുബൈര്, ജെസ്സി സുബൈര്, ഷംന സനൂജ്, റെജിന നബീല്, ഹസ്ന സനം, ഹന്ന ഫാത്തിമി, ഫെബി ഷാമില്, സഫ കരുമാര, സുമിന കുട്ടിയാലി, എന്നിവര് നേതൃത്വം നല്കിയത്.
.jpg)
Related News
