കൊച്ചി: സിയാല് രാജ്യാന്തര കാര്ഗോ സമ്മിറ്റിന്റെ ഭാഗമായി സംഘടിപ്പിച്ച വാണിജ്യ പ്രദര്ശനം ശ്രദ്ധേയമായി. എയര്ലൈന്സ്, ഫ്രയ്റ്റ് ഫോര്വേഡേഴ്സ്, കസ്റ്റംസ് ബ്രോക്കേഴ്സ്, കയറ്റുമതി, ഇറക്കുമതി സംരംഭകര്, കാര്ഗോ ഓട്ടോമേഷന് സപ്ലയര്മാര്, തുടങ്ങി ലോജിസ്റ്റിക്സ് സ്കില് ഡെവലപ്മെന്റ് മേഖലയില് നിന്നുള്ള 54 സ്റ്റാളുകളാണ് പ്രദര്ശനത്തിലുണ്ടായിരുന്നത്. കര്ഷക സംരംഭങ്ങള്, മെഡിക്കല് ഉത്പന്ന കയറ്റുമതിക്കാര്, സ്പൈസസ് ബോര്ഡ്, റബ്ബര് ബോര്ഡ്, നാളികേര വികസന ബോര്ഡ്, അപേഡ, എംപിഇഡിഎ തുടങ്ങിയ പൊതുമേഖലാ സ്ഥാപനങ്ങളും തപാല് വകുപ്പിന്റെ കയറ്റുമതി വിഭാഗം സ്റ്റാളും വാണിജ്യ പ്രദര്ശനത്തിലുണ്ടായിരുന്നു.
കയറ്റുമതി മേഖലയിലേക്ക് പ്രവേശിക്കാന് ആഗ്രഹിക്കുന്നവര്ക്കും തുടക്കക്കാര്ക്കും പിന്തുണ നല്കുന്നതിനായി സിയാല് ഇന്ക്യൂബേഷന് സെന്ററും പ്രദര്ശന സ്റ്റാളില് ഒരുക്കിയിരുന്നു. ആദ്യമായി ഈ മേഖലയിലേക്ക് കടക്കുന്നവര്ക്ക് ആവശ്യമായ സഹായവും മാര്ഗനിര്ദ്ദേശവും നല്കുകയാണ് സിയാല് എയര് കാര്ഗോയുടെ സംരംഭമായ ഇന്ക്യൂബേഷന് സെന്റര്.. കയറ്റുമതിയുമായി ബന്ധപ്പെട്ട സംശയദൂരീകരണം, നടപടിക്രമങ്ങള്, നിയമപരമായ മാനദണ്ഡങ്ങള് എന്നിവയെ ആസ്പദമാക്കിയ വിശദമായ വിവരങ്ങള് ഇന്ക്യൂബേഷന് സെന്ററിലൂടെ നല്കി. കൂടാതെ ബന്ധപ്പെട്ട സര്ക്കാര് ഏജന്സികളുമായും കാര്ഗോലോജിസ്റ്റിക്സ് മേഖലയില് പ്രവര്ത്തിക്കുന്ന വിദഗ്ധരുമായും നേരിട്ടുള്ള ആശയവിനിമയത്തിനുള്ള അവസരവും ഇതിലൂടെ ഒരുക്കിയിരുന്നു. അന്താരാഷ്ട്ര വ്യാപാരത്തിലേക്ക് ആദ്യ ചുവടുവെയ്ക്കുന്നവര്ക്ക് ആവശ്യമായ നെറ്റ്വര്ക്കിങ് സാധ്യതകളും സിയാല് ഇന്ക്യൂബേഷന് സെന്റര് വഴിയൊരുക്കി.
.jpg)
Related News
