റിയാദ്: ഇക്കഴിഞ്ഞ വര്‍ഷം (2025) സൗദിയില്‍ നിന്ന് പ്രവാസികള്‍ വിദേശങ്ങളിലേക്ക് അയച്ച പണത്തില്‍ റെക്കോര്‍ഡ് വര്‍ധന. ആകെ 165.5 ബില്യണ്‍ സൗദി റിയാല്‍ ആണ് പ്രവാസികള്‍ രാജ്യത്തിന് പുറത്തേക്ക് അയച്ചത്. റിപ്പോര്‍ട്ടനുസരിച്ച് ഇത് 2024-ലെ 144.2 ബില്യണ്‍ റിയാലിനേക്കാള്‍ 15 ശതമാനം അധികമാണ്.
സൗദി സെന്‍ട്രല്‍ ബാങ്ക് പുറത്തുവിട്ട കണക്കുകള്‍ പ്രകാരം, 2025 ഡിസംബറില്‍ മാത്രം 14 ബില്യണ്‍ റിയാല്‍ പ്രവാസികള്‍ നാട്ടിലേക്ക് അയച്ചു. ഇത് മുന്‍വര്‍ഷത്തെ ഇതേകാലയളവിലേതിനേക്കാള്‍ അല്‍പം കുറവാണെങ്കിലും കഴിഞ്ഞ മാര്‍ച്ചില്‍ 15.5 ബില്യണ്‍ റിയാല്‍ അയച്ച് റെക്കോര്‍ഡിട്ടിരുന്നു. 2016 ജൂണിന് ശേഷമുള്ള ഏറ്റവും ഉയര്‍ന്ന പണമയപ്പ് റെക്കോര്‍ഡാണിത്.