കൊച്ചി: ചെലവുകുറഞ്ഞ പ്രാദേശിക വിമാന സര്വീസുകള് സാധ്യമാക്കുന്ന ഫ്ലൈ91 എയര്ലൈന്സ് കൊച്ചി അന്താരാഷ്ട്ര വിമാനത്താവളത്തില് പ്രവര്ത്തനം തുടങ്ങി. കൊച്ചി-ലക്ഷദ്വീപ് റൂട്ടില് ആഴ്ചയില് എല്ലാ ദിവസവും സര്വീസ് നടത്തും. നിലവില് ഇന്ഡിഗോയും അലയന്സ് എയറും സിയാലില് നിന്ന് കൊച്ചിലക്ഷദ്വീപ് റൂട്ടില് പ്രതിദിന സര്വീസുകള് നടത്തുന്നുണ്ട്.
എയര്പോര്ട്ട് ഡയറക്ടര് മനു ജി. സര്വീസ് ഉദ്ഘാടനം ചെയ്തു. ഫ്ലൈ91-ന്റെ ഗ്രൗണ്ട് ഓപ്പറേഷന്സും ഇന്-ഫ്ലൈറ്റ് സര്വീസസും കൈകാര്യം ചെയ്യുന്ന ഡയറക്ടര് ഗൗതം സലാസ്കര്, എയര്പോര്ട്ട് സര്വീസസ് വിഭാഗം മേധാവി അനുപ് വെട്ടിയാംകുന്നത്ത്, സ്റ്റേഷന് മാനേജര് ജെറിന് സി. ജോയ് എന്നിവര് ചടങ്ങില് പങ്കെടുത്തു. ബ്യൂറോ ഓഫ് സിവില് ഏവിയേഷന് സെക്യൂരിറ്റി, സി.ഐ.എസ്.എഫ് എന്നീ ഏജന്സികളിലെ മുതിര്ന്ന ഉദ്യോഗസ്ഥരും സിയാല് ഉദ്യോഗസ്ഥരും ചടങ്ങില് സംബന്ധിച്ചു. സര്വീസ് ആരംഭിക്കുന്നതിന്റെ ഭാഗമായി, ഫ്ലൈ 91-ന്റെ കൊച്ചി-ലക്ഷദ്വീപ് റൂട്ടിലെ ആദ്യ യാത്രക്കാരെ ടെര്മിനലിലെ ചെക്ക്-ഇന് ഏരിയയില് ഔപചാരികമായി സ്വാഗതം ചെയ്തു.
ചിത്രം: ഫ്ലൈ 91-ന്റെ ആദ്യ യാത്രക്കാര്ക്ക് എയര്പോര്ട്ട് ഡയറക്ടര് മനു ജി. ബോഡിങ് പാസ്സ് കൈമാറുന്നു. ഫ്ലൈ 91 ഗ്രൗണ്ട് ഓപ്പറേഷന്സ് ഡയറക്ടര് ഗൗതം സലാസ്കര് സമീപം.
.jpg)
Related News
