ജിദ്ദ: 'തഖ്വയാണ് പ്രധാനം' എന്ന പ്രമേയത്തില് അല്-അന്വാര് ജസ്റ്റിസ് ആന്ഡ് വെല്ഫെയര് അസോസിയേഷന് (അജ്വ) സംസ്ഥാന കമ്മിറ്റിയും ജി.സി.സി ഗ്ലോബല് കമ്മിറ്റിയും നടത്തുന്ന റമദാന് കാമ്പയിന്റെ ഭാഗമായി അജ്വ ജിദ്ദ ഘടകം ഇഫ്താര് സംഗമം സംഘടിപ്പിച്ചു.
നജീബ് ബീമാപള്ളിയുടെ അധ്യക്ഷതയില് ചേര്ന്ന സംഗമം ജി.സി.സി ഗ്ലോബല് കമ്മിറ്റി സീനിയര് വൈസ് പ്രസിഡന്റ് ഇബ്രാഹിംകുട്ടി ശാസ്താംകോട്ട ഉദ്ഘാടനം ചെയ്തു. നോമ്പ് എന്നത് കേവലം അന്നപാനീയങ്ങള് ഉപേക്ഷിക്കല് മാത്രമല്ലെന്നും, ഭയഭക്തിയിലൂടെ മനസ്സിനെ ആത്മീയമായി സംസ്കരിക്കലാണെന്നും അദ്ദേഹം പറഞ്ഞു.
കക്ഷി രാഷ്ട്രീയത്തിനും സംഘടനാ സങ്കുചിത ചിന്തകള്ക്കും അതീതമായി ഉസ്താദ് അബ്ദുന്നാസിര് മഅ്ദനി രൂപീകരിച്ച ഈ കൂട്ടായ്മ, ആത്മസംസ്കരണം, ജീവകാരുണ്യം, മനുഷ്യാവകാശ സംരക്ഷണം എന്നീ ലക്ഷ്യങ്ങളിലാണ് അധിഷ്ഠിതമെന്നും അദ്ദേഹം കൂട്ടിച്ചേര്ത്തു. ഈ റമദാനില് കേരളത്തിലെ മൂന്ന് കേന്ദ്രങ്ങളില് റമദാന് കിറ്റുകള് വിതരണം ചെയ്തതും കഴിഞ്ഞ 11 വര്ഷമായി ജിദ്ദ കമ്മിറ്റി നടത്തിവരുന്ന ചികിത്സാ സഹായങ്ങളും അദ്ദേഹം സദസ്സിനോട് വിശദീകരിച്ചു.
ഉപദേശക സമിതിയംഗം ശറഫുദ്ദീന് ബാഖവി ചുങ്കപ്പാറ റമദാന് സന്ദേശം നല്കി. ജി.സി.സി ഗ്ലോബല് കമ്മിറ്റിയിലേക്ക് തിരഞ്ഞെടുക്കപ്പെട്ട ഇബ്രാഹിംകുട്ടി ശാസ്താംകോട്ട (സീനിയര് വൈസ് പ്രസിഡന്റ്), അനീസ് കൊടുങ്ങല്ലൂര് (സംഘടനാകാര്യ സെക്രട്ടറി), സെയ്ദ് മുഹമ്മദ് കാശിഫി കാഞ്ഞിരപ്പള്ളി (എക്സിക്യൂട്ടീവ് അംഗം), നൗഷാദ് ഓച്ചിറ (എക്സിക്യൂട്ടീവ് അംഗം) എന്നിവരെ ചടങ്ങില് ആദരിച്ചു. ശറഫുദ്ദീന് ബാഖവി ചുങ്കപ്പാറ, നിസാര് കാഞ്ഞിപ്പുഴ, ഇര്ഷാദ് ആറാട്ടുപുഴ, ഈസ കിഴിശ്ശേരി എന്നിവര് ഇവര്ക്ക് ഷാള് അണിയിച്ചു.
ജനറല് സെക്രട്ടറി ബക്കര് സിദ്ദീഖ് നാട്ടുകല് സ്വാഗതവും വൈസ് പ്രസിഡന്റ് മസ്ഊദ് മൗലവി ബാലരാമപുരം നന്ദിയും പറഞ്ഞു. അബ്ദുല് റഷീദ് ഓയൂര്, അബ്ദുല് ലത്തീഫ് കറ്റാനം, ഷിഹാബ് പൊന്മള, ഹാരിസ് ആലുവ, അബ്ദുല് ഗഫൂര് വണ്ടൂര്, അബൂബക്കര് വെള്ളില എന്നിവര് പരിപാടിക്ക് നേതൃത്വം നല്കി.
.jpg)
Related News
