തിരുവനന്തപുരം: പശ്ചിമേഷ്യന് യുദ്ധത്തിന്റെ സാഹചര്യത്തില് പാക്കിസ്ഥാനിലെ കറാച്ചി വിമാനത്താവളത്തില് കുടുങ്ങിപ്പോയ മലയാളികളെ കൊളംബോയില് എത്തിച്ചു. എട്ടംഗ ഇന്ത്യന് സംഘത്തില് ഉള്പ്പെട്ട മൂന്ന് മലയാളികളെയാണ് ശ്രീലങ്കയില് എത്തിച്ചത്. പാലക്കാട് സ്വദേശികളായ കൃഷ്ണദാസ്, ഭാര്യ ഡോ. രശ്മി മേനോന് (എറണാകുളം കാലടി സ്വദേശിനി), മൂന്നു വയസുള്ള മകള് സ്മൃതിമേനോന് എന്നിവരാണ് കുടുങ്ങിയത്.
അസര്ബൈജാന് തലസ്ഥാനമായ ബാക്കുവില് നിന്നും ഷാര്ജ വഴി കുവൈത്തിലേക്ക് പോവുകയായിരുന്ന എയര് അറേബ്യ വിമാനത്തിലെ യാത്രക്കായിരുന്നു ഇവര്. സംഘര്ഷ സാഹചര്യങ്ങളെത്തുടര്ന്ന് വിമാനം പാത മാറ്റുകയും കറാച്ചി അന്താരാഷ്ട്ര വിമാനത്താവളത്തില് അടിയന്തരമായി ഇറക്കുകയുമായിരുന്നു. മലയാളികളായ യാത്രക്കാര് കുവൈറ്റില് നിന്നുള്ള ലോക കേരള സഭാംഗം മണിക്കുട്ടന് എടക്കാട്ട്വഴി നോര്ക്ക റൂട്ട്സിനെ ബന്ധപ്പെട്ടതിന്റെ അടിസ്ഥാനത്തില് കേന്ദ്രവിദേശകാര്യ മന്ത്രാലയവുമായി ബന്ധപ്പെടുകയും ഇവരെ ഇന്ത്യയിലെത്തിക്കാനുളള നടപടികള് ഏകോപിപ്പിക്കുകയുമായിരുന്നു. ഇവര് പാകിസ്ഥാനില് നിന്നും വിമാനമാര്ഗ്ഗം ഉച്ചയോടെ ശ്രീലങ്കയിലെ കൊളംബോയിലെത്തിയ ഇവര് അര്ദ്ധരാത്രി 12.30 ന്റെ (മാര്ച്ച് 03) ശ്രീലങ്കന് എയര്വേയ്സ് വിമാനത്തില് ഡല്ഹിയിലേയ്ക്ക് തിരിക്കും. മാര്ച്ച് 03 ന് പുലര്ച്ചെയുളള എയര് ഇന്ത്യാ വിമാനത്തില് കൊച്ചിയിലേയ്ക്കും തിരിക്കും.
Related News
