പെരിന്തല്‍മണ്ണ: ജിദ്ദ നവോദയ ഷറഫിയ ഏരിയ വെസ്റ്റ് യൂണിറ്റ് അംഗമായിരുന്ന മുഹമ്മദ് ഫൈസലിന്റെ കുടുംബത്തിനുള്ള ധനസഹായ ഫണ്ട് കൈമാറി. ഷറഫിയ ഏരിയ പ്രസിഡന്റ് ഫൈസല്‍ കൊടശ്ശേരി, പെരിന്തല്‍മണ്ണ മുന്‍ എം.എല്‍.എയും സി.പി.ഐ.എം. ജില്ലാ സെക്രട്ടറിയേറ്റ് അംഗവുമായ വി. ശശികുമാറിനാണ് ഫണ്ട് കൈമാറിയത്. തുടര്‍ന്ന് അദ്ദേഹം അത് കുടുംബാംഗങ്ങള്‍ക്ക് നല്‍കി.

ചടങ്ങില്‍ നവോദയ രക്ഷാധികാരി സമിതി അംഗം മുഹമ്മദ് മേലാറ്റൂര്‍, കേന്ദ്ര കമ്മിറ്റി അംഗങ്ങളായ നൗഷാദ് വളപുരം, ലാലു വേങ്ങൂര്‍, റാഫി മേലാറ്റൂര്‍ എന്നിവര്‍ പങ്കെടുത്തു. ഏരിയ കമ്മിറ്റി അംഗങ്ങളായ നിഷാദ് മേലാറ്റൂര്‍, മുഹമ്മദ് ഒളവട്ടൂര്‍, പ്രവാസി സംഘം ജില്ലാ സെക്രട്ടറി വി.കെ. റഊഫ്, പെരിന്തല്‍മണ്ണ പ്രവാസി സംഘം ഏരിയ സെക്രട്ടറി ഷമീര്‍ ബാബു, നവോദയ സ്ഥാപക നേതാക്കളില്‍ ഒരാളായ എ.പി. അബൂബക്കര്‍, മണ്ണാര്‍ക്കാട് ഏരിയ കമ്മിറ്റി അംഗം മന്‍സില്‍ അബൂബക്കര്‍, ലോക്കല്‍ കമ്മിറ്റി അംഗം മധു മാഷ്, ബ്രാഞ്ച് സെക്രട്ടറി അനസ് എന്നിവരും മറ്റ് പാര്‍ട്ടി പ്രവര്‍ത്തകരും സംബന്ധിച്ചു.