തിരുവനന്തപുരം: അന്താരാഷ്ട്ര വനിതാദിനാചരണത്തോടനുബന്ധിച്ച് (മാര്ച്ച് 08, 2026) നോര്ക്ക റൂട്ട്സ് ജീവനക്കാര്ക്കായി പ്രത്യേക കാന്സര് അവബോധ പരിപാടി സംഘടിപ്പിച്ചു. തിരുവനന്തപുരം റീജിയണല് കാന്സര് സെന്റര് ഓങ്കോളജി വിഭാഗം അഡീഷണല് പ്രൊഫസര് ഡോ. ആര്. ജയകൃഷ്ണന് അവബോധ ക്ലാസിന് നേതൃത്വം നല്കി.
കാന്സര് പ്രതിരോധം, രോഗം നേരത്തെ കണ്ടെത്തല്, പതിവായുള്ള മെഡിക്കല് പരിശോധനകളുടെ പ്രാധാന്യം, ശരീരം നല്കുന്ന മുന്നറിയിപ്പുകള്, കാന്സറിന് കാരണമായേക്കാവുന്ന ശീലങ്ങള്, വിവിധ ചികിത്സാ രീതികള്, വാക്സിനേഷന് സാധ്യതകള് എന്നിവയെക്കുറിച്ച് അറിവ് പകരുന്നതായിരുന്നു സെഷന്.
വനിതാദിനാശംസകള് നേര്ന്ന നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് അജിത് കോളശ്ശേരി ദിനത്തിന്റെ പ്രാധാന്യത്തെക്കുറിച്ച് സംസാരിച്ചു. ചടങ്ങില് സീനിയര് എക്സിക്യൂട്ടീവ് ശ്രീജ എന്.സി സ്വാഗതവും, നോര്ക്ക റൂട്ട്സ് കോഴിക്കോട് സര്ട്ടിഫിക്കറ്റ് ഒതന്റിക്കേഷന് സെന്റര് ജൂനിയര് എക്സിക്യൂട്ടീവ് സുഭീഷ വി.പി നന്ദിയും പറഞ്ഞു. ഡോ. ആര്. ജയകൃഷ്ണനുള്ള സ്നേഹോപഹാരവും ചടങ്ങില് കൈമാറി. നോര്ക്ക സെന്ററിലെ ജീവനക്കാര് നേരിട്ടും മറ്റ് സെന്ററുകളിലെ ജീവനക്കാര് ഓണ്ലൈനായും പരിപാടിയില് പങ്കെടുത്തു.
.jpg)
Related News
