ജിദ്ദ: കഴിഞ്ഞ മൂന്നരപ്പതിറ്റാണ്ടുകാലമായി ജീവകാരുണ്യ-സാമൂഹിക രംഗത്ത് മഹല്ല് അടിസ്ഥാനത്തില് പ്രവര്ത്തിക്കുന്ന ജിദ്ദ തുറക്കല് മഹല്ല് കമ്മിറ്റി, മഹല്ല് നിവാസികളെയും നാട്ടുകാരെയും ഉള്പ്പെടുത്തി വിപുലമായ ഇഫ്താര് സംഗമം സംഘടിപ്പിച്ചു. അഷ്റഫ് കോമു പരിപാടി ഉദ്ഘാടനം ചെയ്തു.
യുവതലമുറയെ ആത്മീയ ചിന്തയിലേക്കും ധാര്മ്മിക ജീവിതത്തിലേക്കും വഴിനടത്തേണ്ടതിന്റെ പ്രാധാന്യം തിരിച്ചറിയണമെന്ന് ചടങ്ങില് സംസാരിച്ചവര് ഓര്മ്മിപ്പിച്ചു. ലഹരി ഉപയോഗവും കുത്തഴിഞ്ഞ ലൈംഗികതയും അതിര്വരമ്പുകളില്ലാത്ത ജീവിതരീതിയും സാമൂഹിക ജീവിതത്തിനും കുടുംബ വ്യവസ്ഥയ്ക്കും മാരകമായ ആഘാതമാണ് സൃഷ്ടിക്കുന്നത്. 'നിനക്ക് ഒറ്റ ജീവിതമേയുള്ളൂ, അത് പരമാവധി ആസ്വദിക്കുക' എന്ന ലക്ഷ്യത്തോടെ ആഗോളതലത്തില് പ്രചരിപ്പിക്കുന്ന 'യോലോ' കാമ്പയിന് സമൂഹത്തില് ഗുരുതരമായ പ്രത്യാഘാതങ്ങള് ഉണ്ടാക്കുകയാണെന്നും സമൂഹം ജാഗ്രത പാലിക്കണമെന്നും റഫീഖ് അലി ഇരിവേറ്റി റമദാന് സന്ദേശത്തില് പറഞ്ഞു.
പാണ്ടിക്കാടന് കബീര് അധ്യക്ഷത വഹിച്ചു. ഫാദില് അഹമ്മദ് എരഞ്ഞിക്കല് ഖിറാഅത്ത് നടത്തി. റഹ്മത്ത് അലി എരഞ്ഞിക്കല് സ്വാഗതവും ഉസ്മാന്കോയ എരഞ്ഞിക്കല് നന്ദിയും പറഞ്ഞു. സലീം മധുവായി, എ.സി. മുജീബ് പാങ്ങ്, ഷാനി അത്തിക്കാവില്, പി.പി. സാബിര് ബാബു എന്നിവര് ആശംസകള് നേര്ന്നു. അസ്ക്കര് മൊക്കന്, എം. മുനീര്, സാബിര് പുത്തലത്ത്, കെ.ടി.പി. ഷാജി, എം. അര്ഷദ്, ഫസല് അത്തിക്കാവില്, അജ്മല് കരിമ്പുലാക്കല് എന്നിവര് പരിപാടിക്ക് നേതൃത്വം നല്കി.
.jpg)
Related News
