അല്ഖോബാര്: സൗദി കെഎംസിസി സാമൂഹ്യ സുരക്ഷാ പദ്ധതിയില് അംഗമായിരിക്കെ 2025-ല് മരണപ്പെട്ട സിദ്ദീഖിന്റെ കുടുംബത്തിന് മരണാനന്തര ആനുകൂല്യം കൈമാറി. അല്ഖോബാര് സെന്ട്രല് കമ്മിറ്റിക്ക് കീഴിലെ ദഹ്റാന് ഏരിയ അംഗവും കണ്ണനല്ലൂര് വടക്കേമുക്ക് ചെറുകുളത്ത് സ്വദേശിയുമായിരുന്നു പരേതനായ സിദ്ദീഖ്. പാണക്കാട് സയ്യിദ് സാദിഖ് അലി ശിഹാബ് തങ്ങള് ചെയര്മാനായ കെഎംസിസി കേരള ട്രസ്റ്റില് നിന്നുള്ള മൂന്ന് ലക്ഷം രൂപയുടെ ആനുകൂല്യമാണ് കൈമാറിയത്. കുണ്ടറ എംഎല്എ പി.സി. വിഷ്ണുനാഥ് സിദ്ദീഖിന്റെ കുടുംബത്തിന് തുക കൈമാറി.
സൗദി റഹിമ കെഎംസിസി പ്രസിഡന്റ് മന്സൂര് മൈനാഗപ്പള്ളിയുടെ അധ്യക്ഷതയില് നടന്ന യോഗത്തില് കൊല്ലം ജില്ലാ മുസ്ലിം ലീഗ് ജനറല് സെക്രട്ടറി അഡ്വ. സുല്ഫിക്കര് സലാം മുഖ്യപ്രഭാഷണം നടത്തി. ചടങ്ങില് നിസാര് കുണ്ടുമണ് (സൗദി തത്ത്ലീസ് ഏരിയ കെഎംസിസി), ശരീഫ് ചന്ദനത്തോപ്പ് (ജില്ലാ മുസ്ലിം ലീഗ് സെക്രട്ടറി), ബദിഹുദ്ദീന് (കുണ്ടറ മണ്ഡലം മുസ്ലിം ലീഗ് ജനറല് സെക്രട്ടറി), കണ്ണനല്ലൂര് ഫസലുദ്ദീന് (വൈസ് പ്രസിഡന്റ്), സുല്ഫി (തൃക്കോവില്വട്ടം പഞ്ചായത്ത് മുസ്ലിം ലീഗ് പ്രസിഡന്റ്). ഫൈസല് കുളപ്പാടം (ജില്ലാ പഞ്ചായത്ത് അംഗം), ഗായത്രി ദേവി (മുഖത്തല ബ്ലോക്ക് പഞ്ചായത്ത് വൈസ് പ്രസിഡന്റ്), നിസാമുദ്ദീന് (ബ്ലോക്ക് പഞ്ചായത്ത് അംഗം), കുരീപ്പള്ളി സലിം (യുഡിഎഫ് കുണ്ടറ മണ്ഡലം ചെയര്മാന്), നവാസ് പുത്തന്വീട് എന്നിവര് ആശംസകള് നേര്ന്നു.
ഫോട്ടോ അടിക്കുറിപ്പ്:
കെഎംസിസി സാമൂഹ്യ സുരക്ഷാ പദ്ധതി അംഗമായിരിക്കെ സൗദി അല്ഖോബാറില് വെച്ച് മരണപ്പെട്ട കണ്ണനല്ലൂര് സ്വദേശി സിദ്ദീഖിന്റെ കുടുംബത്തിന്, പദ്ധതിയുടെ മരണാനന്തര ആനുകൂല്യം പി.സി. വിഷ്ണുനാഥ് എംഎല്എ കൈമാറുന്നു.
Related News
