ജിദ്ദ: ഒ.ഐ.സി.സി മലപ്പുറം ജില്ലാ കമ്മിറ്റിയുടെ ആഭിമുഖ്യത്തില് ഖാലിദ് ബിന് വലീദ് ഡോള്ഫിന് പാര്ക്കില് സംഘടിപ്പിച്ച ''മെഗാ ഇഫ്താര് 2026'' ശ്രദ്ധേയമായി. രണ്ടായിരത്തോളം ആളുകള് പങ്കെടുത്ത പരിപാടിയില് ജാതി-മത-രാഷ്ട്രീയ ഭേദമന്യേ ജിദ്ദയിലെ വിവിധ മേഖലകളിലെ പ്രമുഖ വ്യക്തിത്വങ്ങള് സന്നിഹിതരായി. രാഷ്ട്രീയ, സാമൂഹിക, സാംസ്കാരിക, മാധ്യമ, ബിസിനസ് രംഗങ്ങളിലെ പ്രമുഖരോടൊപ്പം നൂറുകണക്കിന് സാധാരണക്കാരും പങ്കെടുത്ത ഇഫ്താര് സംഗമം മാനവ ഐക്യത്തിന്റെയും മതേതരത്വത്തിന്റെയും മഹത്തായ സന്ദേശം വിളിച്ചോതുന്നതായി മാറി.
ഒ.ഐ.സി.സി മലപ്പുറം ജില്ലാ കമ്മിറ്റി പ്രസിഡന്റ് ഇന്ചാര്ജ് അസീസ് ലാക്കലിന്റെ അധ്യക്ഷതയിലായിരുന്നു പരിപാടി. ഇഫ്താര് സ്വാഗതസംഘം ചെയര്മാന് ഇ.പി. മുഹമ്മദാലി, ജനറല് കണ്വീനര് യു.എം. ഹുസൈന് മലപ്പുറം എന്നിവരുടെ നേതൃത്വത്തിലാണ് മെഗാ ഇഫ്താറിനുള്ള വിപുലമായ സംവിധാനങ്ങള് ഒരുക്കിയത്. നൂറുകണക്കിന് പ്രവര്ത്തകര് നേരത്തെ തന്നെ പാര്ക്കിലെത്തി ഒരുക്കങ്ങള് പൂര്ത്തിയാക്കിയിരുന്നു.
ഏലംകുളം യൂത്ത് കോണ്ഗ്രസ് മണ്ഡലം പ്രസിഡന്റ് നവാസ് ഏലംകുളത്തിന് ചടങ്ങില് വെച്ച് സ്വീകരണം നല്കി. പുതുതായി സംഘടനയില് ചേര്ന്ന അംഗങ്ങളെ സ്ഥാപക നേതാവ് അബ്ബാസ് ചെമ്പന്, കെ.സി. അബ്ദുറഹിമാന്, അസീസ് ലാക്കല് എന്നിവര് ഷാള് അണിയിച്ച് സ്വീകരിച്ചു.
ജിദ്ദയിലെ മുതിര്ന്ന മാധ്യമപ്രവര്ത്തകരായ മുസാഫിര്, ഹസ്സന് ചെറൂപ്പ, കെ.എം.സി.സി നേതാക്കളായ വി.പി. മുസ്തഫ, ഇസ്മായില് മുണ്ടുപറമ്പ്, നവോദയ പ്രതിനിധി കിസ്മത്ത് മമ്പാട് എന്നിവരും ചടങ്ങില് സംബന്ധിച്ചു.
ഒ.ഐ.സി.സി ഗ്ലോബല് കമ്മിറ്റി അംഗങ്ങളായ സി.എം. അഹമ്മദ്, മുസ്തഫ പെരുവള്ളൂര്, സൈഫു വാഴയില്, റിയാസ് വഴിക്കടവ്, സി. മുഹമ്മദ് മൂത്തേടം; നാഷണല് കമ്മിറ്റി ഭാരവാഹികളായ ഷാനിയാസ് കുന്നിക്കോട്, അഷ്റഫ് അഞ്ചാലന്, അനില്കുമാര് പത്തനംതിട്ട, യാസര് നായിഫ് പെരുവള്ളൂര്; റീജിയണല് കമ്മിറ്റി ഭാരവാഹികളായ മുജീബ് തൃത്താല, കെ.ടി.എ. മുനീര് എന്നിവരും വിവിധ ജില്ലാ പ്രസിഡന്റുമാരായ ഷമീര് നദവി (തിരുവനന്തപുരം), അയ്യൂബ് ഖാന് പന്തളം (പത്തനംതിട്ട), അഷറഫ് വടക്കേക്കാട് (തൃശ്ശൂര്), നാസര് കോഴിത്തൊടി (കോഴിക്കോട്), റഫീക്ക് മൂസ (കണ്ണൂര്) തുടങ്ങിയവരും ആശംസകള് നേര്ന്നു.
നാസര് വെളിയംകോട് (കെ.എം.സി.സി നാഷണല് കമ്മിറ്റി), താഹിര് ആമയൂര്, സലീന മുസാഫിര്, ശ്രീത അനില്കുമാര്, ഗായിക ആശാ ഷിജു, കുബ്ര കദീജ എന്നിവരും സംസാരിച്ചു.
ജനറല് സെക്രട്ടറി ഇസ്മായില് കൂരിപ്പൊയില് സ്വാഗതവും ട്രഷറര് ഫൈസല് മക്കരപ്പറമ്പ് നന്ദിയും പറഞ്ഞു. സമീര് പാണ്ടിക്കാട്, സി.പി. മുജീബ് കാളികാവ്, ഉസ്മാന് കുണ്ടുകാവില്, അലി ബാപ്പു, കമാല് കളപ്പാടന്, സാജു റിയാസ്, റഷീദ് ഷംസാന്, സി.ടി.പി. ഇസ്മായില് തുടങ്ങി ഒട്ടേറെ പ്രവര്ത്തകര് പരിപാടികള് നിയന്ത്രിച്ചു.
Related News
