റിയാദ്: നിര്ധനര്ക്കും അശരണര്ക്കും കൈത്താങ്ങാകുന്ന 'മുസാഅദ' റിലീഫ് പദ്ധതി പത്താം വര്ഷത്തിലേക്ക് കടക്കുന്നു. കെ.എം.സി.സി റിയാദ് നന്നമ്പ്ര പഞ്ചായത്ത് കമ്മിറ്റിയുടെ നേതൃത്വത്തില് നടപ്പിലാക്കുന്ന പദ്ധതിയുടെ ഈ വര്ഷത്തെ സഹായ വിതരണം മാര്ച്ച് 15-ന് രാവിലെ 10:30-ന് തിരൂരങ്ങാടി ചെമ്മാട് ദയ ചാരിറ്റി സെന്ററില് നടക്കും. പാണക്കാട് സയ്യിദ് അബ്ബാസലി ശിഹാബ് തങ്ങള് വിതരണോദ്ഘാടനം നിര്വഹിക്കുമെന്ന് സംഘാടകര് വാര്ത്താസമ്മേളനത്തില് അറിയിച്ചു.
നിര്ധനര്, കിടപ്പുരോഗികള്, അനാഥര്, വിധവകള് എന്നിവരെയാണ് പദ്ധതിയിലൂടെ സഹായിക്കുന്നത്. പഞ്ചായത്തിലെ 24 വാര്ഡുകളില് നിന്ന് ജാതി-മത-രാഷ്ട്രീയ ഭേദമന്യേ അര്ഹരായവരെ കണ്ടെത്തിയാണ് സഹായം വിതരണം ചെയ്യുന്നത്.
ഈ വര്ഷം 125 പേര്ക്ക് ചികിത്സാ സഹായം നല്കും. വിധവകള്, അനാഥര്, ഭവനരഹിതര് ഉള്പ്പെടെ 25 കുടുംബങ്ങള്ക്ക് പ്രത്യേക ധനസഹായവും കുടുംബങ്ങള്ക്ക് മുസാഅദ പദ്ധതിയുടെ ഭാഗമായി പ്രതിമാസ പെന്ഷനും നല്കും.
ഫിര്ദൗസ് ചെറുമുക്ക്, ഖാലിദ് കാളംതിരുത്തി, പത്തൂര് യൂനുസ്, ഒ.കെ. മുഹമ്മദ് കുട്ടി, ഷരീഫ് സി.പി., ഉസ്മാന് ചെറുമുക്ക്, സലിം ചെറുമുക്ക്, ആസിഫ് കുണ്ടൂര്, റഫീഖ് വി.കെ. എന്നിവര് പദ്ധതി ഏകോപിപ്പിക്കുന്നു. ഷരീഫ് സി.പി., അലി തയ്യാല, ബീരാന്കുട്ടി മലയാംപള്ളി, അലി മറ്റത്ത്, അബ്ദുസ്സമദ് എം.പി., ഷാജഹാന് എം.പി., മുഹമ്മദലി മറ്റത്ത് എന്നിവര് അര്ഹരായവരുടെ വീടുകളില് നേരിട്ട് സഹായം എത്തിക്കും.
വാര്ത്താസമ്മേളനത്തില് ഒ.കെ. മുഹമ്മദ് കുട്ടി, പൂത്തൂര് യൂനുസ്, ഫിര്ദൗസ് ചെറുമുക്ക്, ഖാലിദ് കാളംതിരുത്തി, സലിം ചെറുമുക്ക്, മന്സൂര് പി.പി. എന്നിവര് പങ്കെടുത്തു.
Related News
