ജിദ്ദ: റമദാന്റെ പവിത്രതയില് സാഹോദര്യത്തിന്റെയും പങ്കുവെക്കലിന്റെയും സന്ദേശവുമായി മലബാര് അടുക്കള ജിദ്ദ ചാപ്റ്ററിന്റെ വാര്ഷിക ഇഫ്താര് സംഗമം ശ്രദ്ധേയമായി. ജിദ്ദയിലെ പ്രവാസി സമൂഹത്തെ ഒരുമിപ്പിച്ച് ആത്മീയ ചിന്തകള്ക്കും മനുഷ്യസ്നേഹത്തിനും വഴിയൊരുക്കിയ സംഗമം പങ്കെടുത്തവര്ക്ക് ഹൃദ്യമായ അനുഭവമായി മാറി.
ജിദ്ദ കേരള പൗരാവലി ചെയര്മാന് കബീര് കൊണ്ടോട്ടി റമദാന് സന്ദേശം നല്കി. റമദാനിലെ വിശുദ്ധ ദിനങ്ങളെ പരമാവധി പ്രയോജനപ്പെടുത്തണമെന്നും ദാനധര്മ്മങ്ങളിലൂടെയും പ്രാര്ത്ഥനകളിലൂടെയും ആത്മീയ ശുദ്ധി കൈവരിക്കണമെന്നും അദ്ദേഹം ഓര്മ്മിപ്പിച്ചു.
മലബാര് അടുക്കള ജിദ്ദ ചാപ്റ്റര് കോഡിനേറ്ററും മോഡറേറ്ററുമായ കുബ്ര ലത്തീഫ് ചടങ്ങില് അധ്യക്ഷത വഹിച്ചു. പ്രവാസി സമൂഹത്തിനിടയില് സേവനപ്രവര്ത്തനങ്ങള്ക്കും സാഹോദര്യത്തിനും നേതൃത്വം നല്കുന്ന കുബ്ര ലത്തീഫിന്റെ പ്രവര്ത്തനം മാതൃകാപരമാണെന്ന് ചടങ്ങില് പങ്കെടുത്തവര് അഭിപ്രായപ്പെട്ടു.
തൊഴിലാളി ക്യാമ്പുകളിലെ പ്രവാസികള്ക്ക് ഭക്ഷണക്കിറ്റുകളും സമ്മാനങ്ങളും വിതരണം ചെയ്യുന്ന മലബാര് അടുക്കളയുടെ സേവന പാരമ്പര്യം ഇത്തവണയും തുടര്ന്നു. ചടങ്ങില് ഖുര്ആന് മനഃപാഠമാക്കിയ മലബാര് അടുക്കള അംഗം ഷെമീമയുടെ മകന് ആദിലിനെ മെമന്റോ നല്കി ആദരിച്ചു.
മുസ്തഫ വി.പി, അസ്ഹാബ് വര്ക്കല, മുസാഫിര്, ജലീല് കണ്ണമംഗലം, ഹസ്സന് കൊണ്ടോട്ടി, ഖാജ, സി.എം. അഹമ്മദ്, ഡോ. മുസ്കാത്, സലീന എന്നിവര് ആശംസകള് നേര്ന്നു. ഷബ്ന, ഷംസീറ, സാഹിറ സവാദ്, ആശിക റംനാസ്, ഹസീന അഫ്സല്, സബ്രീന, മുംതാസ്, സുറുമി, സുനീറ, ഫായിസ, ലത്തീഫ് മൊഗ്രാല്, സവാദ്, മജീദ്, റംനാസ്, ജബ്ബാര്, ഗഫൂര് എന്നിവര് പരിപാടിയുടെ വിജയത്തിനായി പ്രവര്ത്തിച്ചു.
.jpg)
