ജിദ്ദ: ദീര്ഘകാലം ജിദ്ദയിലും അബുദാബിയിലും പ്രവാസിയായിരുന്ന എറണാകുളം ഇടപ്പള്ളി ടി.പി. ആര്.ആര്.എ-75ല് മാണിയാറ സജീവ് എബ്രഹാം (68) നിര്യാതനായി. സംസ്കാരം ഇന്ന് (വെള്ളിയാഴ്ച) നാലിന് നോര്ത്ത് പറവൂര് സെന്റ് തോമസ് യാക്കോബായ സുറിയാനി പള്ളി സെമിത്തേരിയില്.
സൗദി അറേബ്യയിലെ ജിദ്ദയില് ബിന്ലാദിന് കമ്പനിയിലും അബുദാബി ഇമാരതി എന്ജിനീയറിങ് ആന്ഡ് കണ്സള്ട്ടന്സിയിലുമാണ് ജോലി ചെയ്തിരുന്നത്. ഇമാരതി എന്ജിനീയറിങ് ആന്ഡ് കണ്സള്ട്ടന്സിയില് സീനിയര് മാനേജറായിരിക്കെയാണ് പ്രവാസം അവസാനിപ്പിച്ചത്.
ജിദ്ദയില് കേരള എന്ജിനിയേഴ്സ് ഫോറം രൂപീകരണത്തില് നിര്ണായക പങ്കു വഹിച്ചിരുന്നു. ജിദ്ദയിലെ സാമൂഹിക, സാംസ്കാരിക രംഗത്തെ സജീവ സാന്നിധ്യമായിരുന്ന സജീവ് പൂരം, കേരള കലാസാഹിതി തുടങ്ങിയ സംഘടനകളില് പ്രവര്ത്തിച്ചിരുന്നു.
ഭാര്യ: തേവര്കാട്ടില് കുടുംബാംഗം വത്സ ജോര്ജ്. മക്കള്: നവീന് സജീവ് (ദുബായ്), വിനീത് സജീവ് (നെതര്ലാന്ഡ്സ്). മരുമക്കള്: ഷാരോണ് കുന്നുവിള, ബിന്സി പുത്തന്പറമ്പില്.
Related News
