വാഷിംഗ്ടണ്: മിഡില് ഈസ്റ്റില് യുദ്ധം തുടരുന്ന സാഹചര്യത്തിലും, 2026-ലെ ലോകകപ്പ് ഫുട്ബോളില് ഇറാന് 'തീര്ച്ചയായും' പങ്കെടുക്കുമെന്ന് ഫിഫ പ്രസിഡന്റ് ജിയാനി ഇന്ഫാന്റിനോ. ബുധനാഴ്ച സി.എന്.ബി.സി ചാനലിന് നല്കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
'ഇറാന് ലോകകപ്പിന് എത്തുമെന്ന കാര്യം ഉറപ്പാണ്. ടൂര്ണമെന്റ് നടക്കുമ്പോഴേക്കും മേഖലയില് സമാധാനം പുനഃസ്ഥാപിക്കപ്പെടുമെന്ന് ഞങ്ങള് പ്രതീക്ഷിക്കുന്നു. അത് കാര്യങ്ങള് കൂടുതല് എളുപ്പമാക്കും,' ഇന്ഫാന്റിനോ പറഞ്ഞു.
ജൂണില് അമേരിക്കയില് നടക്കാനിരിക്കുന്ന മത്സരങ്ങളെക്കുറിച്ച് സംസാരിക്കവെ, ഇറാന് തങ്ങളുടെ ജനതയെയാണ് പ്രതിനിധീകരിക്കുന്നതെന്ന് അദ്ദേഹം കൂട്ടിച്ചേര്ത്തു. 'അവര് ലോകകപ്പിന് യോഗ്യത നേടിയവരാണ്. കളിക്കാര്ക്ക് കളിക്കാന് ആഗ്രഹമുണ്ട്. അതിനാല് അവര്ക്ക് വരാതിരിക്കാനാവില്ല,' അദ്ദേഹം വ്യക്തമാക്കി.
നിലവിലെ യുദ്ധസമ്മര്ദ്ദങ്ങള്ക്കിടയിലും കായിക മാമാങ്കത്തില് ഇറാന്റെ പങ്കാളിത്തം ഉറപ്പാക്കുന്നത് കായിക ലോകത്തിന് വലിയ ആശ്വാസമാണ് നല്കുന്നത്. 2026 ജൂണില് അമേരിക്ക, കാനഡ, മെക്സിക്കോ എന്നിവിടങ്ങളിലായാണ് ലോകകപ്പ് നടക്കുന്നത്.
Related News
