റിയാദ്: മുപ്പത്തിനാലാമത് സി.ബി.എസ്.ഇ സോണല് (അണ്ടര് 19) ഫുട്ബോള് ചാമ്പ്യന്ഷിപ്പില് അല് ആലിയ ഇന്റര്നാഷണല് ഇന്ത്യന് സ്കൂളിന് ചരിത്രവിജയം. ഏപ്രില് 26-ന് നടന്ന ആവേശകരമായ ഫൈനല് മത്സരത്തില് അല് യാസ്മിന് സ്കൂളിനെ പരാജയപ്പെടുത്തിയാണ് അല് ആലിയ കിരീടം ചൂടിയത്. ഇതോടെ ജുബൈലില് നടക്കുന്ന ക്ലസ്റ്റര് ചാമ്പ്യന്ഷിപ്പില് റിയാദിനെ പ്രതിനിധീകരിച്ച് അല് ആലിയ ടീം പങ്കെടുക്കും.
കോച്ച് ആത്തിഫ് ബുഖാരിയുടെ ശിക്ഷണത്തില് മികച്ച പ്രകടനമാണ് ടീം കാഴ്ചവെച്ചത്. കായികാധ്യാപകരായ മുഹമ്മദ് സിറാജ്, ആദര്ശ് എന്നിവരുടെ നേതൃത്വവും ടീമിന്റെ മുന്നേറ്റത്തിന് കരുത്തേകി. സ്പോര്ട്സ് അക്കാദമി ചീഫ് കോര്ഡിനേറ്റര് മുഹമ്മദ് ഷാനിഫിന്റെ പൂര്ണ്ണ പിന്തുണയും പരിശീലനവും ഈ വിജയത്തില് നിര്ണ്ണായകമായി.
സ്കൂള് മാനേജ്മെന്റ്, പ്രിന്സിപ്പല് കവിത ലത കതിരേശന്, സൂപ്പര്വൈസര് ശ്രീകാന്ത് രാധാകൃഷ്ണന് എന്നിവരുടെ നിസ്സീമമായ പ്രോത്സാഹനമാണ് ടീമിനെ ഈ നേട്ടത്തിലേക്ക് നയിച്ചതെന്ന് സ്കൂള് അധികൃതര് അറിയിച്ചു. വിജയികളായ കായികതാരങ്ങളെ സ്കൂള് അധികൃതരും രക്ഷകര്ത്താക്കളും അഭിനന്ദിച്ചു.
Related News
