അല്ഖര്ജ്: വേള്ഡ് മലയാളി ഫെഡറേഷന് (WMF) അല്ഖര്ജ് സ്റ്റേറ്റ് കൗണ്സിലിന്റെ ആഭിമുഖ്യത്തില് അന്താരാഷ്ട്ര നഴ്സസ് ദിനം ആഘോഷിച്ചു. അല്ഖര്ജ് കിംഗ് ഖാലിദ് ഹോസ്പിറ്റലില് നടന്ന ചടങ്ങുകള്ക്ക് സ്റ്റേറ്റ് സെക്രട്ടറി രതീഷ് രാഘവന്, രക്ഷാധികാരി അയൂബ് ഖാന് എന്നിവര് നേതൃത്വം നല്കി.
'നമ്മുടെ നഴ്സുമാര്, നമ്മുടെ ഭാവി; ശാക്തീകരിക്കപ്പെട്ട നഴ്സുമാര് ജീവന് രക്ഷിക്കുന്നു' എന്ന ഈ വര്ഷത്തെ ആഗോള സന്ദേശത്തിന് അനുയോജ്യമായ രീതിയിലായിരുന്നു ആഘോഷങ്ങള് സംഘടിപ്പിച്ചത്. ചടങ്ങിന്റെ ഭാഗമായി കിംഗ് ഖാലിദ് ഹോസ്പിറ്റലിലെ വിവിധ നഴ്സുമാര്ക്ക് സ്നേഹസമ്മാനങ്ങള് നല്കുകയും നഴ്സസ് ദിനാശംസകള് കൈമാറുകയും ചെയ്തു.
ഡബ്ല്യു.എം.എഫ് നാഷണല് ചാരിറ്റി കോര്ഡിനേറ്റര് കനകദാസ് മേലേടത്ത്, നാഷണല് എഡ്യൂക്കേഷന് ഫോറം കോര്ഡിനേറ്റര് മറിയാമ്മ എബ്രഹാം, സ്റ്റേറ്റ് കൗണ്സില് ചാരിറ്റി കോര്ഡിനേറ്റര് സാം വി. സാബു, സ്റ്റേറ്റ് കൗണ്സില് മീഡിയ കോര്ഡിനേറ്റര് സനല് സുധാകരന്, ടൂറിസം കോര്ഡിനേറ്റര് അനന്തകൃഷ്ണന്, എക്സിക്യൂട്ടീവ് അംഗം വിജിന് വര്ഗീസ്, കൗണ്സില് അംഗങ്ങളായ സിനി രാജു, ആര്യ എന്നിവര് ചടങ്ങില് പങ്കെടുത്തു.
Related News
