കൊച്ചി: വാഗമണ്‍ ഡിസി സ്‌കൂള്‍ ഓഫ് മാനേജ്‌മെന്റ് ആന്‍ഡ് ടെക്‌നോളജി (DCSMAT) 25 വര്‍ഷങ്ങള്‍ പൂര്‍ത്തീകരിക്കുന്നതിന്റെ ഭാഗമായി എംബിഎ വിദ്യാര്‍ത്ഥികള്‍ക്കായി സില്‍വര്‍ ജൂബിലി സ്‌കോളര്‍ഷിപ്പുകള്‍ പ്രഖ്യാപിച്ചു. മെറിറ്റ് അടിസ്ഥാനത്തില്‍ നൂറ് ശതമാനം വരെ ട്യൂഷന്‍ ഫീസ് ഇളവുള്‍പ്പെടെയുള്ള ആനുകൂല്യങ്ങളാണ് സ്‌കോളര്‍ഷിപ്പിലൂടെ വിദ്യാര്‍ത്ഥികള്‍ക്ക് ലഭിക്കുക.

ആകെ ഒരു കോടിയോളം രൂപയുടെ സ്‌കോളര്‍ഷിപ്പാണ് കോളേജ് അധികൃതര്‍ പ്രഖ്യാപിച്ചിരിക്കുന്നത്. പ്രത്യേക ആപ്റ്റിറ്റിയൂഡ് ടെസ്റ്റിന്റെ അടിസ്ഥാനത്തിലായിരിക്കും അര്‍ഹരായ വിദ്യാര്‍ത്ഥികളെ തിരഞ്ഞെടുക്കുക. കുറഞ്ഞത് 50 ശതമാനം മാര്‍ക്കോടെ ബിരുദം നേടിയവര്‍ക്കും, അവസാന വര്‍ഷ ബിരുദ പരീക്ഷാ ഫലം കാത്തിരിക്കുന്നവര്‍ക്കും ഈ സ്‌കോളര്‍ഷിപ്പിനായി അപേക്ഷിക്കാവുന്നതാണ്.

എന്‍ബിഎ , നാക്ക് (NAAC) അക്രെഡിറ്റേഷനുകള്‍, വ്യവസായ മേഖലയിലെ ആധുനിക ആവശ്യങ്ങള്‍ക്കനുസരിച്ചുള്ള കെപിഎംജി , ലിങ്ക്ഡ്ഇന്‍ (LinkedIn) സര്‍ട്ടിഫിക്കേഷനുകള്‍, 100% ഗുരുകുല സമ്പ്രദായത്തിലുള്ള പഠന രീതി തുടങ്ങിയവ ഈ കാമ്പസിന്റെ സവിശേഷതകളാണ്. കൂടുതല്‍ വിവരങ്ങള്‍ക്ക് 72900 92218, 75990 03149 എന്നീ നമ്പറുകളില്‍ ബന്ധപ്പെടുക.