ജിദ്ദ: ജിദ്ദ ഇന്ത്യന് ഇസ്ലാഹീ സെന്ററിന് കീഴില് നടന്നു വരുന്ന 'അല്ഫിത്റ' സ്ഥാപനത്തിലെ വിദ്യാര്ത്ഥിയായ ആദം അല്ഹാന് 'ഇന്ത്യ ബുക്ക് ഓഫ് റെക്കോര്ഡ്സില്' ഇടം പിടിച്ചു. 50 വ്യത്യസ്ത ദേശീയ, അന്തര്ദേശീയ കാര് ബ്രാന്റുകളുടെ ലോഗോയുടെ ചിത്രങ്ങള് ലാപ്ടോപ് സ്ക്രീനില് വീക്ഷിച്ചുകൊണ്ട് കാര് ബ്രാന്റുകളുടെ പേരുകള് കേവലം 2 മിനിറ്റും 13 സെക്കന്ഡും കൊണ്ട് തിരിച്ചറിഞ്ഞതിനാണ് ഈ 4 വയസ്സുകാരന് റെക്കോര്ഡ് ലഭിച്ചത്.
ജിദ്ദ ഇന്ത്യന് ഇസ്ലാഹീ സെന്ററില് നടന്ന ചടങ്ങില് മുസ്ലിം വേള്ഡ് ലീഗ് ഡയറക്ടറും അറബ് ലോകത്തെ നിരവധി സാമൂഹിക, സാംസ്കാരിക രംഗങ്ങളിലെ സജീവ സാന്നിധ്യവുമായ ഡോക്ടര് ഇസ്മായില് അബ്ദുല് സലാം അബു താലിബ് അവാര്ഡ് വിതരണം നടത്തുകയും ജിദ്ദ അല്ഫിത്റയിലെ അധ്യാപകരും മാനേജ്മെന്റും ഈ കൊച്ചുമിടുക്കനെ അഭിനന്ദനം അറിയിക്കുകയും ചെയ്തു. മലപ്പുറം ജില്ലയിലെ പെരിന്തല്മണ്ണ ആനമങ്ങാട് സ്വദേശിയായ അമീര് സുഹൈലിന്റെയും ഫാത്തിമ ജസ്നയുടെയും മകനാണ് ആദം അല്ഹാന്.
Related News
