ജിദ്ദ: 25 വര്ഷത്തെ പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന എം.കെ. ഹാരിസ് ബാബുവിന് ജിദ്ദ എടവണ്ണ പഞ്ചായത്ത് കെ.എം.സി.സി യാത്രയയപ്പ് നല്കി. ജിദ്ദ ഷറഫിയ എല്ലോറ ഓഡിറ്റോറിയത്തില് നടന്ന ചടങ്ങില്, നിയമസഭാ തിരഞ്ഞെടുപ്പിലുണ്ടായ യു.ഡി.എഫിന്റെ ഉജ്ജ്വല വിജയത്തിലും ഏറനാട് മണ്ഡലം നേടിയ മികച്ച നേട്ടത്തിലും സന്തോഷം പ്രകടിപ്പിച്ച് മധുരവിതരണവും നടന്നു.
മലപ്പുറം ജില്ലാ കെ.എം.സി.സി വൈസ് പ്രസിഡന്റ് സൈതലവി പുളിയക്കോട് പരിപാടി ഉദ്ഘാടനം ചെയ്തു. ജിദ്ദ എടവണ്ണ പഞ്ചായത്ത് കെ.എം.സി.സി പ്രസിഡന്റ് ഫിറോസ് ബാബു അധ്യക്ഷത വഹിച്ചു. ജിദ്ദ ഏറനാട് മണ്ഡലം കെ.എം.സി.സി പ്രസിഡന്റ് സുല്ഫീക്കര് ഒതായി, ജനറല് സെക്രട്ടറി മൊയ്ദീന്കുട്ടി കാവനൂര്, സിജു എടവണ്ണ തുടങ്ങിയവര് സംസാരിച്ചു.
കേരളത്തിന്റെ പൊതുമരാമത്ത് വകുപ്പ് മന്ത്രി പി.കെ. ബഷീര് ഏറനാട് മണ്ഡലത്തില് കൈവരിച്ച അഭൂതപൂര്വ്വമായ പുരോഗതി, അദ്ദേഹത്തിന്റെ പുതിയ പദവിയിലൂടെ ഇനി കേരളത്തിന് മൊത്തത്തില് ലഭ്യമാകുമെന്ന് ചടങ്ങില് സംസാരിച്ചവര് പ്രത്യാശ പ്രകടിപ്പിച്ചു. ചടങ്ങില് ജിദ്ദ എടവണ്ണ പഞ്ചായത്ത് ജനറല് സെക്രട്ടറി അബൂബക്കര് കെ.സി. സ്വാഗതവും, ട്രഷറര് ഹബീബ് കാഞ്ഞിരാല നന്ദിയും പറഞ്ഞു.
ചിത്രം: ഫിറോസ് ബാബു, ഹാരിസ് ബാബുവിന് ഉപഹാരംനല്കുന്നു.
Related News
